ઋગ્વેદ · અધ્યાય 8.002

ઇદં વસો સુતમ્ અન્ધઃ પિબા સુપૂર્ણમ્ ઉદરમ્ ।
અનાભયિન્ રરિમા તે ॥

નૃભિર્ ધૂતઃ સુતો અશ્નૈર્ અવ્યો વારૈઃ પરિપૂતઃ ।
અશ્વો ન નિક્તો નદીષુ ॥

તં તે યવં યથા ગોભિઃ સ્વાદુમ્ અકર્મ શ્રીણન્તઃ ।
ઇન્દ્ર ત્વાસ્મિન્ સધમાદે ॥

ઇન્દ્ર ઇત્ સોમપા એક ઇન્દ્રઃ સુતપા વિશ્વાયુઃ ।
અન્તર્ દેવાન્ મર્ત્યાઁશ્ ચ ॥

ન યં શુક્રો ન દુરાશીર્ ન તૃપ્રા ઉરુવ્યચસમ્ ।
અપસ્પૃણ્વતે સુહાર્દમ્ ॥

ગોભિર્ યદ્ ઈમ્ અન્યે અસ્મન્ મૃગં ન વ્રા મૃગયન્તે ।
અભિત્સરન્તિ ધેનુભિઃ ॥

ત્રય ઇન્દ્રસ્ય સોમાઃ સુતાસઃ સન્તુ દેવસ્ય ।
સ્વે ક્ષયે સુતપાવ્નઃ ॥

ત્રયઃ કોશાસઃ શ્ચોતન્તિ તિસ્રશ્ ચમ્વ1ઃ સુપૂર્ણાઃ ।
સમાને અધિ ભાર્મન્ ॥

શુચિર્ અસિ પુરુનિઃષ્ઠાઃ ક્ષીરૈર્ મધ્યત આશીર્તઃ ।
દધ્ના મન્દિષ્ઠઃ શૂરસ્ય ॥

ઇમે ત ઇન્દ્ર સોમાસ્ તીવ્રા અસ્મે સુતાસઃ ।
શુક્રા આશિરં યાચન્તે ॥

તાઁ આશિરમ્ પુરોળાશમ્ ઇન્દ્રેમં સોમં શ્રીણીહિ ।
રેવન્તં હિ ત્વા શૃણોમિ ॥

હૃત્સુ પીતાસો યુધ્યન્તે દુર્મદાસો ન સુરાયામ્ ।
ઊધર્ ન નગ્ના જરન્તે ॥

રેવાઁ ઇદ્ રેવતઃ સ્તોતા સ્યાત્ ત્વાવતો મઘોનઃ ।
પ્રેદ્ ઉ હરિવઃ શ્રુતસ્ય ॥

ઉક્થં ચન શસ્યમાનમ્ અગોર્ અરિર્ આ ચિકેત ।
ન ગાયત્રં ગીયમાનમ્ ॥

મા ન ઇન્દ્ર પીયત્નવે મા શર્ધતે પરા દાઃ ।
શિક્ષા શચીવઃ શચીભિઃ ॥

વયમ્ ઉ ત્વા તદિદર્થા ઇન્દ્ર ત્વાયન્તઃ સખાયઃ ।
કણ્વા ઉક્થેભિર્ જરન્તે ॥

ન ઘેમ્ અન્યદ્ આ પપન વજ્રિન્ન્ અપસો નવિષ્ટૌ ।
તવેદ્ ઉ સ્તોમં ચિકેત ॥

ઇચ્છન્તિ દેવાઃ સુન્વન્તં ન સ્વપ્નાય સ્પૃહયન્તિ ।
યન્તિ પ્રમાદમ્ અતન્દ્રાઃ ॥

ઓ ષુ પ્ર યાહિ વાજેભિર્ મા હૃણીથા અભ્ય્ અ1સ્માન્ ।
મહાઁ ઇવ યુવજાનિઃ ॥

મો ષ્વ્ અ1દ્ય દુર્હણાવાન્ સાયં કરદ્ આરે અસ્મત્ ।
અશ્રીર ઇવ જામાતા ॥

વિદ્મા હ્ય્ અસ્ય વીરસ્ય ભૂરિદાવરીં સુમતિમ્ ।
ત્રિષુ જાતસ્ય મનાંસિ ॥

આ તૂ ષિઞ્ચ કણ્વમન્તં ન ઘા વિદ્મ શવસાનાત્ ।
યશસ્તરં શતમૂતેઃ ॥

જ્યેષ્ઠેન સોતર્ ઇન્દ્રાય સોમં વીરાય શક્રાય ।
ભરા પિબન્ નર્યાય ॥

યો વેદિષ્ઠો અવ્યથિષ્વ્ અશ્વાવન્તં જરિતૃભ્યઃ ।
વાજં સ્તોતૃભ્યો ગોમન્તમ્ ॥

પન્યમ્-પન્યમ્ ઇત્ સોતાર આ ધાવત મદ્યાય ।
સોમં વીરાય શૂરાય ॥

પાતા વૃત્રહા સુતમ્ આ ઘા ગમન્ નારે અસ્મત્ ।
નિ યમતે શતમૂતિઃ ॥

એહ હરી બ્રહ્મયુજા શગ્મા વક્ષતઃ સખાયમ્ ।
ગીર્ભિઃ શ્રુતં ગિર્વણસમ્ ॥

સ્વાદવઃ સોમા આ યાહિ શ્રીતાઃ સોમા આ યાહિ ।
શિપ્રિન્ન્ ઋષીવઃ શચીવો નાયમ્ અચ્છા સધમાદમ્ ॥

સ્તુતશ્ ચ યાસ્ ત્વા વર્ધન્તિ મહે રાધસે નૃમ્ણાય ।
ઇન્દ્ર કારિણં વૃધન્તઃ ॥

ગિરશ્ ચ યાસ્ તે ગિર્વાહ ઉક્થા ચ તુભ્યં તાનિ ।
સત્રા દધિરે શવાંસિ ॥

એવેદ્ એષ તુવિકૂર્મિર્ વાજાઁ એકો વજ્રહસ્તઃ ।
સનાદ્ અમૃક્તો દયતે ॥

હન્તા વૃત્રં દક્ષિણેનેન્દ્રઃ પુરૂ પુરુહૂતઃ ।
મહાન્ મહીભિઃ શચીભિઃ ॥

યસ્મિન્ વિશ્વાશ્ ચર્ષણય ઉત ચ્યૌત્ના જ્રયાંસિ ચ ।
અનુ ઘેન્ મન્દી મઘોનઃ ॥

એષ એતાનિ ચકારેન્દ્રો વિશ્વા યો ઽતિ શૃણ્વે ।
વાજદાવા મઘોનામ્ ॥

પ્રભર્તા રથં ગવ્યન્તમ્ અપાકાચ્ ચિદ્ યમ્ અવતિ ।
ઇનો વસુ સ હિ વોળ્હા ॥

સનિતા વિપ્રો અર્વદ્ભિર્ હન્તા વૃત્રં નૃભિઃ શૂરઃ ।
સત્યો ઽવિતા વિધન્તમ્ ॥

યજધ્વૈનમ્ પ્રિયમેધા ઇન્દ્રં સત્રાચા મનસા ।
યો ભૂત્ સોમૈઃ સત્યમદ્વા ॥

ગાથશ્રવસં સત્પતિં શ્રવસ્કામમ્ પુરુત્માનમ્ ।
કણ્વાસો ગાત વાજિનમ્ ॥

ય ઋતે ચિદ્ ગાસ્ પદેભ્યો દાત્ સખા નૃભ્યઃ શચીવાન્ ।
યે અસ્મિન્ કામમ્ અશ્રિયન્ ॥

ઇત્થા ધીવન્તમ્ અદ્રિવઃ કાણ્વમ્ મેધ્યાતિથિમ્ ।
મેષો ભૂતો3 ઽભિ યન્ન્ અયઃ ॥

શિક્ષા વિભિન્દો અસ્મૈ ચત્વાર્ય્ અયુતા દદત્ ।
અષ્ટા પરઃ સહસ્રા ॥

ઉત સુ ત્યે પયોવૃધા માકી રણસ્ય નપ્ત્યા ।
જનિત્વનાય મામહે ॥