ઋગ્વેદ · અધ્યાય 8.001

મા ચિદ્ અન્યદ્ વિ શંસત સખાયો મા રિષણ્યત ।
ઇન્દ્રમ્ ઇત્ સ્તોતા વૃષણં સચા સુતે મુહુર્ ઉક્થા ચ શંસત ॥

અવક્રક્ષિણં વૃષભં યથાજુરં ગાં ન ચર્ષણીસહમ્ ।
વિદ્વેષણં સંવનનોભયંકરમ્ મંહિષ્ઠમ્ ઉભયાવિનમ્ ॥

યચ્ ચિદ્ ધિ ત્વા જના ઇમે નાના હવન્ત ઊતયે ।
અસ્માકમ્ બ્રહ્મેદમ્ ઇન્દ્ર ભૂતુ તે ઽહા વિશ્વા ચ વર્ધનમ્ ॥

વિ તર્તૂર્યન્તે મઘવન્ વિપશ્ચિતો ઽર્યો વિપો જનાનામ્ ।
ઉપ ક્રમસ્વ પુરુરૂપમ્ આ ભર વાજં નેદિષ્ઠમ્ ઊતયે ॥

મહે ચન ત્વામ્ અદ્રિવઃ પરા શુલ્કાય દેયામ્ ।
ન સહસ્રાય નાયુતાય વજ્રિવો ન શતાય શતામઘ ॥

વસ્યાઁ ઇન્દ્રાસિ મે પિતુર્ ઉત ભ્રાતુર્ અભુઞ્જતઃ ।
માતા ચ મે છદયથઃ સમા વસો વસુત્વનાય રાધસે ॥

ક્વેયથ ક્વેદ્ અસિ પુરુત્રા ચિદ્ ધિ તે મનઃ ।
અલર્ષિ યુધ્મ ખજકૃત્ પુરંદર પ્ર ગાયત્રા અગાસિષુઃ ॥

પ્રાસ્મૈ ગાયત્રમ્ અર્ચત વાવાતુર્ યઃ પુરંદરઃ ।
યાભિઃ કાણ્વસ્યોપ બર્હિર્ આસદં યાસદ્ વજ્રી ભિનત્ પુરઃ ॥

યે તે સન્તિ દશગ્વિનઃ શતિનો યે સહસ્રિણઃ ।
અશ્વાસો યે તે વૃષણો રઘુદ્રુવસ્ તેભિર્ નસ્ તૂયમ્ આ ગહિ ॥

આ ત્વ્ અ1દ્ય સબર્દુઘાં હુવે ગાયત્રવેપસમ્ ।
ઇન્દ્રં ધેનું સુદુઘામ્ અન્યામ્ ઇષમ્ ઉરુધારામ્ અરંકૃતમ્ ॥

યત્ તુદત્ સૂર એતશં વઙ્કૂ વાતસ્ય પર્ણિના ।
વહત્ કુત્સમ્ આર્જુનેયં શતક્રતુઃ ત્સરદ્ ગન્ધર્વમ્ અસ્તૃતમ્ ॥

ય ઋતે ચિદ્ અભિશ્રિષઃ પુરા જત્રુભ્ય આતૃદઃ ।
સંધાતા સંધિમ્ મઘવા પુરૂવસુર્ ઇષ્કર્તા વિહ્રુતમ્ પુનઃ ॥

મા ભૂમ નિષ્ટ્યા ઇવેન્દ્ર ત્વદ્ અરણા ઇવ ।
વનાનિ ન પ્રજહિતાન્ય્ અદ્રિવો દુરોષાસો અમન્મહિ ॥

અમન્મહીદ્ અનાશવો ઽનુગ્રાસશ્ ચ વૃત્રહન્ ।
સકૃત્ સુ તે મહતા શૂર રાધસા અનુ સ્તોમમ્ મુદીમહિ ॥

યદિ સ્તોમમ્ મમ શ્રવદ્ અસ્માકમ્ ઇન્દ્રમ્ ઇન્દવઃ ।
તિરઃ પવિત્રં સસૃવાંસ આશવો મન્દન્તુ તુગ્ર્યાવૃધઃ ॥

આ ત્વ્ અ1દ્ય સધસ્તુતિં વાવાતુઃ સખ્યુર્ આ ગહિ ।
ઉપસ્તુતિર્ મઘોનામ્ પ્ર ત્વાવત્વ્ અધા તે વશ્મિ સુષ્ટુતિમ્ ॥

સોતા હિ સોમમ્ અદ્રિભિર્ એમ્ એનમ્ અપ્સુ ધાવત ।
ગવ્યા વસ્ત્રેવ વાસયન્ત ઇન્ નરો નિર્ ધુક્ષન્ વક્ષણાભ્યઃ ॥

અધ જ્મો અધ વા દિવો બૃહતો રોચનાદ્ અધિ ।
અયા વર્ધસ્વ તન્વા ગિરા મમા જાતા સુક્રતો પૃણ ॥

ઇન્દ્રાય સુ મદિન્તમં સોમં સોતા વરેણ્યમ્ ।
શક્ર એણમ્ પીપયદ્ વિશ્વયા ધિયા હિન્વાનં ન વાજયુમ્ ॥

મા ત્વા સોમસ્ય ગલ્દયા સદા યાચન્ન્ અહં ગિરા ।
ભૂર્ણિમ્ મૃગં ન સવનેષુ ચુક્રુધં ક ઈશાનં ન યાચિષત્ ॥

મદેનેષિતમ્ મદમ્ ઉગ્રમ્ ઉગ્રેણ શવસા ।
વિશ્વેષાં તરુતારમ્ મદચ્યુતમ્ મદે હિ ષ્મા દદાતિ નઃ ॥

શેવારે વાર્યા પુરુ દેવો મર્તાય દાશુષે ।
સ સુન્વતે ચ સ્તુવતે ચ રાસતે વિશ્વગૂર્તો અરિષ્ટુતઃ ॥

એન્દ્ર યાહિ મત્સ્વ ચિત્રેણ દેવ રાધસા ।
સરો ન પ્રાસ્ય્ ઉદરં સપીતિભિર્ આ સોમેભિર્ ઉરુ સ્ફિરમ્ ॥

આ ત્વા સહસ્રમ્ આ શતં યુક્તા રથે હિરણ્યયે ।
બ્રહ્મયુજો હરય ઇન્દ્ર કેશિનો વહન્તુ સોમપીતયે ॥

આ ત્વા રથે હિરણ્યયે હરી મયૂરશેપ્યા ।
શિતિપૃષ્ઠા વહતામ્ મધ્વો અન્ધસો વિવક્ષણસ્ય પીતયે ॥

પિબા ત્વ્ અ1સ્ય ગિર્વણઃ સુતસ્ય પૂર્વપા ઇવ ।
પરિષ્કૃતસ્ય રસિન ઇયમ્ આસુતિશ્ ચારુર્ મદાય પત્યતે ॥

ય એકો અસ્તિ દંસના મહાઁ ઉગ્રો અભિ વ્રતૈઃ ।
ગમત્ સ શિપ્રી ન સ યોષદ્ આ ગમદ્ ધવં ન પરિ વર્જતિ ॥

ત્વમ્ પુરં ચરિષ્ણ્વં વધૈઃ શુષ્ણસ્ય સમ્ પિણક્ ।
ત્વમ્ ભા અનુ ચરો અધ દ્વિતા યદ્ ઇન્દ્ર હવ્યો ભુવઃ ॥

મમ ત્વા સૂર ઉદિતે મમ મધ્યંદિને દિવઃ ।
મમ પ્રપિત્વે અપિશર્વરે વસવ્ આ સ્તોમાસો અવૃત્સત ॥

સ્તુહિ સ્તુહીદ્ એતે ઘા તે મંહિષ્ઠાસો મઘોનામ્ ।
નિન્દિતાશ્વઃ પ્રપથી પરમજ્યા મઘસ્ય મેધ્યાતિથે ॥

આ યદ્ અશ્વાન્ વનન્વતઃ શ્રદ્ધયાહં રથે રુહમ્ ।
ઉત વામસ્ય વસુનશ્ ચિકેતતિ યો અસ્તિ યાદ્વઃ પશુઃ ॥

ય ઋજ્રા મહ્યમ્ મામહે સહ ત્વચા હિરણ્યયા ।
એષ વિશ્વાન્ય્ અભ્ય્ અસ્તુ સૌભગાસઙ્ગસ્ય સ્વનદ્રથઃ ॥

અધ પ્લાયોગિર્ અતિ દાસદ્ અન્યાન્ આસઙ્ગો અગ્ને દશભિઃ સહસ્રૈઃ ।
અધોક્ષણો દશ મહ્યં રુશન્તો નળા ઇવ સરસો નિર્ અતિષ્ઠન્ ॥

અન્વ્ અસ્ય સ્થૂરં દદૃશે પુરસ્તાદ્ અનસ્થ ઊરુર્ અવરમ્બમાણઃ ।
શશ્વતી નાર્ય્ અભિચક્ષ્યાહ સુભદ્રમ્ અર્ય ભોજનમ્ બિભર્ષિ ॥