ઋગ્વેદ · અધ્યાય 7.103

સંવત્સરં શશયાના બ્રાહ્મણા વ્રતચારિણઃ ।
વાચમ્ પર્જન્યજિન્વિતામ્ પ્ર મણ્ડૂકા અવાદિષુઃ ॥

દિવ્યા આપો અભિ યદ્ એનમ્ આયન્ દૃતિં ન શુષ્કં સરસી શયાનમ્ ।
ગવામ્ અહ ન માયુર્ વત્સિનીનામ્ મણ્ડૂકાનાં વગ્નુર્ અત્રા સમ્ એતિ ॥

યદ્ ઈમ્ એનાઁ ઉશતો અભ્ય્ અવર્ષીત્ તૃષ્યાવતઃ પ્રાવૃષ્ય્ આગતાયામ્ ।
અખ્ખલીકૃત્યા પિતરં ન પુત્રો અન્યો અન્યમ્ ઉપ વદન્તમ્ એતિ ॥

અન્યો અન્યમ્ અનુ ગૃભ્ણાત્ય્ એનોર્ અપામ્ પ્રસર્ગે યદ્ અમન્દિષાતામ્ ।
મણ્ડૂકો યદ્ અભિવૃષ્ટઃ કનિષ્કન્ પૃશ્નિઃ સમ્પૃઙ્ક્તે હરિતેન વાચમ્ ॥

યદ્ એષામ્ અન્યો અન્યસ્ય વાચં શાક્તસ્યેવ વદતિ શિક્ષમાણઃ ।
સર્વં તદ્ એષાં સમૃધેવ પર્વ યત્ સુવાચો વદથનાધ્ય્ અપ્સુ ॥

ગોમાયુર્ એકો અજમાયુર્ એકઃ પૃશ્નિર્ એકો હરિત એક એષામ્ ।
સમાનં નામ બિભ્રતો વિરૂપાઃ પુરુત્રા વાચમ્ પિપિશુર્ વદન્તઃ ॥

બ્રાહ્મણાસો અતિરાત્રે ન સોમે સરો ન પૂર્ણમ્ અભિતો વદન્તઃ ।
સંવત્સરસ્ય તદ્ અહઃ પરિ ષ્ઠ યન્ મણ્ડૂકાઃ પ્રાવૃષીણમ્ બભૂવ ॥

બ્રાહ્મણાસઃ સોમિનો વાચમ્ અક્રત બ્રહ્મ કૃણ્વન્તઃ પરિવત્સરીણમ્ ।
અધ્વર્યવો ઘર્મિણઃ સિષ્વિદાના આવિર્ ભવન્તિ ગુહ્યા ન કે ચિત્ ॥

દેવહિતિં જુગુપુર્ દ્વાદશસ્ય ઋતું નરો ન પ્ર મિનન્ત્ય્ એતે ।
સંવત્સરે પ્રાવૃષ્ય્ આગતાયાં તપ્તા ઘર્મા અશ્નુવતે વિસર્ગમ્ ॥

ગોમાયુર્ અદાદ્ અજમાયુર્ અદાત્ પૃશ્નિર્ અદાદ્ ધરિતો નો વસૂનિ ।
ગવામ્ મણ્ડૂકા દદતઃ શતાનિ સહસ્રસાવે પ્ર તિરન્ત આયુઃ ॥