ઋગ્વેદ · અધ્યાય 7.092

આ વાયો ભૂષ શુચિપા ઉપ નઃ સહસ્રં તે નિયુતો વિશ્વવાર ।
ઉપો તે અન્ધો મદ્યમ્ અયામિ યસ્ય દેવ દધિષે પૂર્વપેયમ્ ॥

પ્ર સોતા જીરો અધ્વરેષ્વ્ અસ્થાત્ સોમમ્ ઇન્દ્રાય વાયવે પિબધ્યૈ ।
પ્ર યદ્ વામ્ મધ્વો અગ્રિયમ્ ભરન્ત્ય્ અધ્વર્યવો દેવયન્તઃ શચીભિઃ ॥

પ્ર યાભિર્ યાસિ દાશ્વાંસમ્ અચ્છા નિયુદ્ભિર્ વાયવ્ ઇષ્ટયે દુરોણે ।
નિ નો રયિં સુભોજસં યુવસ્વ નિ વીરં ગવ્યમ્ અશ્વ્યં ચ રાધઃ ॥

યે વાયવ ઇન્દ્રમાદનાસ આદેવાસો નિતોશનાસો અર્યઃ ।
ઘ્નન્તો વૃત્રાણિ સૂરિભિઃ ષ્યામ સાસહ્વાંસો યુધા નૃભિર્ અમિત્રાન્ ॥

આ નો નિયુદ્ભિઃ શતિનીભિર્ અધ્વરં સહસ્રિણીભિર્ ઉપ યાહિ યજ્ઞમ્ ।
વાયો અસ્મિન્ સવને માદયસ્વ યૂયમ્ પાત સ્વસ્તિભિઃ સદા નઃ ॥