ઋગ્વેદ · અધ્યાય 7.091

કુવિદ્ અઙ્ગ નમસા યે વૃધાસઃ પુરા દેવા અનવદ્યાસ આસન્ ।
તે વાયવે મનવે બાધિતાયાવાસયન્ન્ ઉષસં સૂર્યેણ ॥

ઉશન્તા દૂતા ન દભાય ગોપા માસશ્ ચ પાથઃ શરદશ્ ચ પૂર્વીઃ ।
ઇન્દ્રવાયૂ સુષ્ટુતિર્ વામ્ ઇયાના માર્ડીકમ્ ઈટ્ટે સુવિતં ચ નવ્યમ્ ॥

પીવોઅન્નાઁ રયિવૃધઃ સુમેધાઃ શ્વેતઃ સિષક્તિ નિયુતામ્ અભિશ્રીઃ ।
તે વાયવે સમનસો વિ તસ્થુર્ વિશ્વેન્ નરઃ સ્વપત્યાનિ ચક્રુઃ ॥

યાવત્ તરસ્ તન્વો3 યાવદ્ ઓજો યાવન્ નરશ્ ચક્ષસા દીધ્યાનાઃ ।
શુચિં સોમં શુચિપા પાતમ્ અસ્મે ઇન્દ્રવાયૂ સદતમ્ બર્હિર્ એદમ્ ॥

નિયુવાના નિયુતઃ સ્પાર્હવીરા ઇન્દ્રવાયૂ સરથં યાતમ્ અર્વાક્ ।
ઇદં હિ વામ્ પ્રભૃતમ્ મધ્વો અગ્રમ્ અધ પ્રીણાના વિ મુમુક્તમ્ અસ્મે ॥

યા વાં શતં નિયુતો યાઃ સહસ્રમ્ ઇન્દ્રવાયૂ વિશ્વવારાઃ સચન્તે ।
આભિર્ યાતં સુવિદત્રાભિર્ અર્વાક્ પાતં નરા પ્રતિભૃતસ્ય મધ્વઃ ॥

અર્વન્તો ન શ્રવસો ભિક્ષમાણા ઇન્દ્રવાયૂ સુષ્ટુતિભિર્ વસિષ્ઠાઃ ।
વાજયન્તઃ સ્વ્ અવસે હુવેમ યૂયમ્ પાત સ્વસ્તિભિઃ સદા નઃ ॥