ઋગ્વેદ · અધ્યાય 7.079

વ્ય્ ઉ1ષા આવઃ પથ્યા3 જનાનામ્ પઞ્ચ ક્ષિતીર્ માનુષીર્ બોધયન્તી ।
સુસંદૃગ્ભિર્ ઉક્ષભિર્ ભાનુમ્ અશ્રેદ્ વિ સૂર્યો રોદસી ચક્ષસાવઃ ॥

વ્ય્ અઞ્જતે દિવો અન્તેષ્વ્ અક્તૂન્ વિશો ન યુક્તા ઉષસો યતન્તે ।
સં તે ગાવસ્ તમ આ વર્તયન્તિ જ્યોતિર્ યચ્છન્તિ સવિતેવ બાહૂ ॥

અભૂદ્ ઉષા ઇન્દ્રતમા મઘોન્ય્ અજીજનત્ સુવિતાય શ્રવાંસિ ।
વિ દિવો દેવી દુહિતા દધાત્ય્ અઙ્ગિરસ્તમા સુકૃતે વસૂનિ ॥

તાવદ્ ઉષો રાધો અસ્મભ્યં રાસ્વ યાવત્ સ્તોતૃભ્યો અરદો ગૃણાના ।
યાં ત્વા જજ્ઞુર્ વૃષભસ્યા રવેણ વિ દૃળ્હસ્ય દુરો અદ્રેર્ ઔર્ણોઃ ॥

દેવં-દેવં રાધસે ચોદયન્ત્ય્ અસ્મદ્ર્યક્ સૂનૃતા ઈરયન્તી ।
વ્યુચ્છન્તી નઃ સનયે ધિયો ધા યૂયમ્ પાત સ્વસ્તિભિઃ સદા નઃ ॥