ઋગ્વેદ · અધ્યાય 7.074

ઇમા ઉ વાં દિવિષ્ટય ઉસ્રા હવન્તે અશ્વિના ।
અયં વામ્ અહ્વે ઽવસે શચીવસૂ વિશં-વિશં હિ ગચ્છથઃ ॥

યુવં ચિત્રં દદથુર્ ભોજનં નરા ચોદેથાં સૂનૃતાવતે ।
અર્વાગ્ રથં સમનસા નિ યચ્છતમ્ પિબતં સોમ્યમ્ મધુ ॥

આ યાતમ્ ઉપ ભૂષતમ્ મધ્વઃ પિબતમ્ અશ્વિના ।
દુગ્ધમ્ પયો વૃષણા જેન્યાવસૂ મા નો મર્ધિષ્ટમ્ આ ગતમ્ ॥

અશ્વાસો યે વામ્ ઉપ દાશુષો ગૃહં યુવાં દીયન્તિ બિભ્રતઃ ।
મક્ષૂયુભિર્ નરા હયેભિર્ અશ્વિના દેવા યાતમ્ અસ્મયૂ ॥

અધા હ યન્તો અશ્વિના પૃક્ષઃ સચન્ત સૂરયઃ ।
તા યંસતો મઘવદ્ભ્યો ધ્રુવં યશશ્ છર્દિર્ અસ્મભ્યં નાસત્યા ॥

પ્ર યે યયુર્ અવૃકાસો રથા ઇવ નૃપાતારો જનાનામ્ ।
ઉત સ્વેન શવસા શૂશુવુર્ નર ઉત ક્ષિયન્તિ સુક્ષિતિમ્ ॥