ઋગ્વેદ · અધ્યાય 7.072

આ ગોમતા નાસત્યા રથેનાશ્વાવતા પુરુશ્ચન્દ્રેણ યાતમ્ ।
અભિ વાં વિશ્વા નિયુતઃ સચન્તે સ્પાર્હયા શ્રિયા તન્વા શુભાના ॥

આ નો દેવેભિર્ ઉપ યાતમ્ અર્વાક્ સજોષસા નાસત્યા રથેન ।
યુવોર્ હિ નઃ સખ્યા પિત્ર્યાણિ સમાનો બન્ધુર્ ઉત તસ્ય વિત્તમ્ ॥

ઉદ્ ઉ સ્તોમાસો અશ્વિનોર્ અબુધ્રઞ્ જામિ બ્રહ્માણ્ય્ ઉષસશ્ ચ દેવીઃ ।
આવિવાસન્ રોદસી ધિષ્ણ્યેમે અચ્છા વિપ્રો નાસત્યા વિવક્તિ ॥

વિ ચેદ્ ઉચ્છન્ત્ય્ અશ્વિના ઉષાસઃ પ્ર વામ્ બ્રહ્માણિ કારવો ભરન્તે ।
ઊર્ધ્વમ્ ભાનું સવિતા દેવો અશ્રેદ્ બૃહદ્ અગ્નયઃ સમિધા જરન્તે ॥

આ પશ્ચાતાન્ નાસત્યા પુરસ્તાદ્ આશ્વિના યાતમ્ અધરાદ્ ઉદક્તાત્ ।
આ વિશ્વતઃ પાઞ્ચજન્યેન રાયા યૂયમ્ પાત સ્વસ્તિભિઃ સદા નઃ ॥