ઋગ્વેદ · અધ્યાય 7.040

ઓ શ્રુષ્ટિર્ વિદથ્યા3 સમ્ એતુ પ્રતિ સ્તોમં દધીમહિ તુરાણામ્ ।
યદ્ અદ્ય દેવઃ સવિતા સુવાતિ સ્યામાસ્ય રત્નિનો વિભાગે ॥

મિત્રસ્ તન્ નો વરુણો રોદસી ચ દ્યુભક્તમ્ ઇન્દ્રો અર્યમા દદાતુ ।
દિદેષ્ટુ દેવ્ય્ અદિતી રેક્ણો વાયુશ્ ચ યન્ નિયુવૈતે ભગશ્ ચ ॥

સેદ્ ઉગ્રો અસ્તુ મરુતઃ સ શુષ્મી યમ્ મર્ત્યમ્ પૃષદશ્વા અવાથ ।
ઉતેમ્ અગ્નિઃ સરસ્વતી જુનન્તિ ન તસ્ય રાયઃ પર્યેતાસ્તિ ॥

અયં હિ નેતા વરુણ ઋતસ્ય મિત્રો રાજાનો અર્યમાપો ધુઃ ।
સુહવા દેવ્ય્ અદિતિર્ અનર્વા તે નો અંહો અતિ પર્ષન્ન્ અરિષ્ટાન્ ॥

અસ્ય દેવસ્ય મીળ્હુષો વયા વિષ્ણોર્ એષસ્ય પ્રભૃથે હવિર્ભિઃ ।
વિદે હિ રુદ્રો રુદ્રિયમ્ મહિત્વં યાસિષ્ટં વર્તિર્ અશ્વિનાવ્ ઇરાવત્ ॥

માત્ર પૂષન્ન્ આઘૃણ ઇરસ્યો વરૂત્રી યદ્ રાતિષાચશ્ ચ રાસન્ ।
મયોભુવો નો અર્વન્તો નિ પાન્તુ વૃષ્ટિમ્ પરિજ્મા વાતો દદાતુ ॥

નૂ રોદસી અભિષ્ટુતે વસિષ્ઠૈર્ ઋતાવાનો વરુણો મિત્રો અગ્નિઃ ।
યચ્છન્તુ ચન્દ્રા ઉપમં નો અર્કં યૂયમ્ પાત સ્વસ્તિભિઃ સદા નઃ ॥