ઋગ્વેદ · અધ્યાય 7.038

ઉદ્ ઉ ષ્ય દેવઃ સવિતા યયામ હિરણ્યયીમ્ અમતિં યામ્ અશિશ્રેત્ ।
નૂનમ્ ભગો હવ્યો માનુષેભિર્ વિ યો રત્ના પુરૂવસુર્ દધાતિ ॥

ઉદ્ ઉ તિષ્ઠ સવિતઃ શ્રુધ્ય્ અ1સ્ય હિરણ્યપાણે પ્રભૃતાવ્ ઋતસ્ય ।
વ્ય્ ઉ1ર્વીમ્ પૃથ્વીમ્ અમતિં સૃજાન આ નૃભ્યો મર્તભોજનં સુવાનઃ ॥

અપિ ષ્ટુતઃ સવિતા દેવો અસ્તુ યમ્ આ ચિદ્ વિશ્વે વસવો ગૃણન્તિ ।
સ નઃ સ્તોમાન્ નમસ્ય1શ્ ચનો ધાદ્ વિશ્વેભિઃ પાતુ પાયુભિર્ નિ સૂરીન્ ॥

અભિ યં દેવ્ય્ અદિતિર્ ગૃણાતિ સવં દેવસ્ય સવિતુર્ જુષાણા ।
અભિ સમ્રાજો વરુણો ગૃણન્ત્ય્ અભિ મિત્રાસો અર્યમા સજોષાઃ ॥

અભિ યે મિથો વનુષઃ સપન્તે રાતિં દિવો રાતિષાચઃ પૃથિવ્યાઃ ।
અહિર્ બુધ્ન્ય ઉત નઃ શૃણોતુ વરૂત્ર્ય્ એકધેનુભિર્ નિ પાતુ ॥

અનુ તન્ નો જાસ્પતિર્ મંસીષ્ટ રત્નં દેવસ્ય સવિતુર્ ઇયાનઃ ।
ભગમ્ ઉગ્રો ઽવસે જોહવીતિ ભગમ્ અનુગ્રો અધ યાતિ રત્નમ્ ॥

શં નો ભવન્તુ વાજિનો હવેષુ દેવતાતા મિતદ્રવઃ સ્વર્કાઃ ।
જમ્ભયન્તો ઽહિં વૃકં રક્ષાંસિ સનેમ્ય્ અસ્મદ્ યુયવન્ન્ અમીવાઃ ॥

વાજે-વાજે ઽવત વાજિનો નો ધનેષુ વિપ્રા અમૃતા ઋતજ્ઞાઃ ।
અસ્ય મધ્વઃ પિબત માદયધ્વં તૃપ્તા યાત પથિભિર્ દેવયાનૈઃ ॥