ઋગ્વેદ · અધ્યાય 7.035

શં ન ઇન્દ્રાગ્ની ભવતામ્ અવોભિઃ શં ન ઇન્દ્રાવરુણા રાતહવ્યા ।
શમ્ ઇન્દ્રાસોમા સુવિતાય શં યોઃ શં ન ઇન્દ્રાપૂષણા વાજસાતૌ ॥

શં નો ભગઃ શમ્ ઉ નઃ શંસો અસ્તુ શં નઃ પુરંધિઃ શમ્ ઉ સન્તુ રાયઃ ।
શં નઃ સત્યસ્ય સુયમસ્ય શંસઃ શં નો અર્યમા પુરુજાતો અસ્તુ ॥

શં નો ધાતા શમ્ ઉ ધર્તા નો અસ્તુ શં ન ઉરૂચી ભવતુ સ્વધાભિઃ ।
શં રોદસી બૃહતી શં નો અદ્રિઃ શં નો દેવાનાં સુહવાનિ સન્તુ ॥

શં નો અગ્નિર્ જ્યોતિરનીકો અસ્તુ શં નો મિત્રાવરુણાવ્ અશ્વિના શમ્ ।
શં નઃ સુકૃતાં સુકૃતાનિ સન્તુ શં ન ઇષિરો અભિ વાતુ વાતઃ ॥

શં નો દ્યાવાપૃથિવી પૂર્વહૂતૌ શમ્ અન્તરિક્ષં દૃશયે નો અસ્તુ ।
શં ન ઓષધીર્ વનિનો ભવન્તુ શં નો રજસસ્ પતિર્ અસ્તુ જિષ્ણુઃ ॥

શં ન ઇન્દ્રો વસુભિર્ દેવો અસ્તુ શમ્ આદિત્યેભિર્ વરુણઃ સુશંસઃ ।
શં નો રુદ્રો રુદ્રેભિર્ જલાષઃ શં નસ્ ત્વષ્ટા ગ્નાભિર્ ઇહ શૃણોતુ ॥

શં નઃ સોમો ભવતુ બ્રહ્મ શં નઃ શં નો ગ્રાવાણઃ શમ્ ઉ સન્તુ યજ્ઞાઃ ।
શં નઃ સ્વરૂણામ્ મિતયો ભવન્તુ શં નઃ પ્રસ્વ1ઃ શમ્ વ્ અસ્તુ વેદિઃ ॥

શં નઃ સૂર્ય ઉરુચક્ષા ઉદ્ એતુ શં નશ્ ચતસ્રઃ પ્રદિશો ભવન્તુ ।
શં નઃ પર્વતા ધ્રુવયો ભવન્તુ શં નઃ સિન્ધવઃ શમ્ ઉ સન્ત્વ્ આપઃ ॥

શં નો અદિતિર્ ભવતુ વ્રતેભિઃ શં નો ભવન્તુ મરુતઃ સ્વર્કાઃ ।
શં નો વિષ્ણુઃ શમ્ ઉ પૂષા નો અસ્તુ શં નો ભવિત્રં શમ્ વ્ અસ્તુ વાયુઃ ॥

શં નો દેવઃ સવિતા ત્રાયમાણઃ શં નો ભવન્તૂષસો વિભાતીઃ ।
શં નઃ પર્જન્યો ભવતુ પ્રજાભ્યઃ શં નઃ ક્ષેત્રસ્ય પતિર્ અસ્તુ શમ્ભુઃ ॥

શં નો દેવા વિશ્વદેવા ભવન્તુ શં સરસ્વતી સહ ધીભિર્ અસ્તુ ।
શમ્ અભિષાચઃ શમ્ ઉ રાતિષાચઃ શં નો દિવ્યાઃ પાર્થિવાઃ શં નો અપ્યાઃ ॥

શં નઃ સત્યસ્ય પતયો ભવન્તુ શં નો અર્વન્તઃ શમ્ ઉ સન્તુ ગાવઃ ।
શં ન ઋભવઃ સુકૃતઃ સુહસ્તાઃ શં નો ભવન્તુ પિતરો હવેષુ ॥

શં નો અજ એકપાદ્ દેવો અસ્તુ શં નો ઽહિર્ બુધ્ન્ય1ઃ શં સમુદ્રઃ ।
શં નો અપાં નપાત્ પેરુર્ અસ્તુ શં નઃ પૃશ્નિર્ ભવતુ દેવગોપા ॥

આદિત્યા રુદ્રા વસવો જુષન્તેદમ્ બ્રહ્મ ક્રિયમાણં નવીયઃ ।
શૃણ્વન્તુ નો દિવ્યાઃ પાર્થિવાસો ગોજાતા ઉત યે યજ્ઞિયાસઃ ॥

યે દેવાનાં યજ્ઞિયા યજ્ઞિયાનામ્ મનોર્ યજત્રા અમૃતા ઋતજ્ઞાઃ ।
તે નો રાસન્તામ્ ઉરુગાયમ્ અદ્ય યૂયમ્ પાત સ્વસ્તિભિઃ સદા નઃ ॥