ઋગ્વેદ · અધ્યાય 7.028

બ્રહ્મા ણ ઇન્દ્રોપ યાહિ વિદ્વાન્ અર્વાઞ્ચસ્ તે હરયઃ સન્તુ યુક્તાઃ ।
વિશ્વે ચિદ્ ધિ ત્વા વિહવન્ત મર્તા અસ્માકમ્ ઇચ્ છૃણુહિ વિશ્વમિન્વ ॥

હવં ત ઇન્દ્ર મહિમા વ્ય્ આનડ્ બ્રહ્મ યત્ પાસિ શવસિન્ન્ ઋષીણામ્ ।
આ યદ્ વજ્રં દધિષે હસ્ત ઉગ્ર ઘોરઃ સન્ ક્રત્વા જનિષ્ઠા અષાળ્હઃ ॥

તવ પ્રણીતીન્દ્ર જોહુવાનાન્ સં યન્ નૄન્ ન રોદસી નિનેથ ।
મહે ક્ષત્રાય શવસે હિ જજ્ઞે ઽતૂતુજિં ચિત્ તૂતુજિર્ અશિશ્નત્ ॥

એભિર્ ન ઇન્દ્રાહભિર્ દશસ્ય દુર્મિત્રાસો હિ ક્ષિતયઃ પવન્તે ।
પ્રતિ યચ્ ચષ્ટે અનૃતમ્ અનેના અવ દ્વિતા વરુણો માયી નઃ સાત્ ॥

વોચેમેદ્ ઇન્દ્રમ્ મઘવાનમ્ એનમ્ મહો રાયો રાધસો યદ્ દદન્ નઃ ।
યો અર્ચતો બ્રહ્મકૃતિમ્ અવિષ્ઠો યૂયમ્ પાત સ્વસ્તિભિઃ સદા નઃ ॥