ઋગ્વેદ · અધ્યાય 7.026

ન સોમ ઇન્દ્રમ્ અસુતો મમાદ નાબ્રહ્માણો મઘવાનં સુતાસઃ ।
તસ્મા ઉક્થં જનયે યજ્ જુજોષન્ નૃવન્ નવીયઃ શૃણવદ્ યથા નઃ ॥

ઉક્થ-ઉક્થે સોમ ઇન્દ્રમ્ મમાદ નીથે-નીથે મઘવાનં સુતાસઃ ।
યદ્ ઈં સબાધઃ પિતરં ન પુત્રાઃ સમાનદક્ષા અવસે હવન્તે ॥

ચકાર તા કૃણવન્ નૂનમ્ અન્યા યાનિ બ્રુવન્તિ વેધસઃ સુતેષુ ।
જનીર્ ઇવ પતિર્ એકઃ સમાનો નિ મામૃજે પુર ઇન્દ્રઃ સુ સર્વાઃ ॥

એવા તમ્ આહુર્ ઉત શૃણ્વ ઇન્દ્ર એકો વિભક્તા તરણિર્ મઘાનામ્ ।
મિથસ્તુર ઊતયો યસ્ય પૂર્વીર્ અસ્મે ભદ્રાણિ સશ્ચત પ્રિયાણિ ॥

એવા વસિષ્ઠ ઇન્દ્રમ્ ઊતયે નૄન્ કૃષ્ટીનાં વૃષભં સુતે ગૃણાતિ ।
સહસ્રિણ ઉપ નો માહિ વાજાન્ યૂયમ્ પાત સ્વસ્તિભિઃ સદા નઃ ॥