ઋગ્વેદ · અધ્યાય 7.019

યસ્ તિગ્મશૃઙ્ગો વૃષભો ન ભીમ એકઃ કૃષ્ટીશ્ ચ્યાવયતિ પ્ર વિશ્વાઃ ।
યઃ શશ્વતો અદાશુષો ગયસ્ય પ્રયન્તાસિ સુષ્વિતરાય વેદઃ ॥

ત્વં હ ત્યદ્ ઇન્દ્ર કુત્સમ્ આવઃ શુશ્રૂષમાણસ્ તન્વા સમર્યે ।
દાસં યચ્ છુષ્ણં કુયવં ન્ય્ અસ્મા અરન્ધય આર્જુનેયાય શિક્ષન્ ॥

ત્વં ધૃષ્ણો ધૃષતા વીતહવ્યમ્ પ્રાવો વિશ્વાભિર્ ઊતિભિઃ સુદાસમ્ ।
પ્ર પૌરુકુત્સિં ત્રસદસ્યુમ્ આવઃ ક્ષેત્રસાતા વૃત્રહત્યેષુ પૂરુમ્ ॥

ત્વં નૃભિર્ નૃમણો દેવવીતૌ ભૂરીણિ વૃત્રા હર્યશ્વ હંસિ ।
ત્વં નિ દસ્યું ચુમુરિં ધુનિં ચાસ્વાપયો દભીતયે સુહન્તુ ॥

તવ ચ્યૌત્નાનિ વજ્રહસ્ત તાનિ નવ યત્ પુરો નવતિં ચ સદ્યઃ ।
નિવેશને શતતમાવિવેષીર્ અહઞ્ ચ વૃત્રં નમુચિમ્ ઉતાહન્ ॥

સના તા ત ઇન્દ્ર ભોજનાનિ રાતહવ્યાય દાશુષે સુદાસે ।
વૃષ્ણે તે હરી વૃષણા યુનજ્મિ વ્યન્તુ બ્રહ્માણિ પુરુશાક વાજમ્ ॥

મા તે અસ્યાં સહસાવન્ પરિષ્ટાવ્ અઘાય ભૂમ હરિવઃ પરાદૈ ।
ત્રાયસ્વ નો ઽવૃકેભિર્ વરૂથૈસ્ તવ પ્રિયાસઃ સૂરિષુ સ્યામ ॥

પ્રિયાસ ઇત્ તે મઘવન્ન્ અભિષ્ટૌ નરો મદેમ શરણે સખાયઃ ।
નિ તુર્વશં નિ યાદ્વં શિશીહ્ય્ અતિથિગ્વાય શંસ્યં કરિષ્યન્ ॥

સદ્યશ્ ચિન્ નુ તે મઘવન્ન્ અભિષ્ટૌ નરઃ શંસન્ત્ય્ ઉક્થશાસ ઉક્થા ।
યે તે હવેભિર્ વિ પણીઁર્ અદાશન્ન્ અસ્માન્ વૃણીષ્વ યુજ્યાય તસ્મૈ ॥

એતે સ્તોમા નરાં નૃતમ તુભ્યમ્ અસ્મદ્ર્યઞ્ચો દદતો મઘાનિ ।
તેષામ્ ઇન્દ્ર વૃત્રહત્યે શિવો ભૂઃ સખા ચ શૂરો ઽવિતા ચ નૃણામ્ ॥

નૂ ઇન્દ્ર શૂર સ્તવમાન ઊતી બ્રહ્મજૂતસ્ તન્વા વાવૃધસ્વ ।
ઉપ નો વાજાન્ મિમીહ્ય્ ઉપ સ્તીન્ યૂયમ્ પાત સ્વસ્તિભિઃ સદા નઃ ॥