ઋગ્વેદ · અધ્યાય 7.018

ત્વે હ યત્ પિતરશ્ ચિન્ ન ઇન્દ્ર વિશ્વા વામા જરિતારો અસન્વન્ ।
ત્વે ગાવઃ સુદુઘાસ્ ત્વે હ્ય્ અશ્વાસ્ ત્વં વસુ દેવયતે વનિષ્ઠઃ ॥

રાજેવ હિ જનિભિઃ ક્ષેષ્ય્ એવાવ દ્યુભિર્ અભિ વિદુષ્ કવિઃ સન્ ।
પિશા ગિરો મઘવન્ ગોભિર્ અશ્વૈસ્ ત્વાયતઃ શિશીહિ રાયે અસ્માન્ ॥

ઇમા ઉ ત્વા પસ્પૃધાનાસો અત્ર મન્દ્રા ગિરો દેવયન્તીર્ ઉપ સ્થુઃ ।
અર્વાચી તે પથ્યા રાય એતુ સ્યામ તે સુમતાવ્ ઇન્દ્ર શર્મન્ ॥

ધેનું ન ત્વા સૂયવસે દુદુક્ષન્ન્ ઉપ બ્રહ્માણિ સસૃજે વસિષ્ઠઃ ।
ત્વામ્ ઇન્ મે ગોપતિં વિશ્વ આહા ન ઇન્દ્રઃ સુમતિં ગન્ત્વ્ અચ્છ ॥

અર્ણાંસિ ચિત્ પપ્રથાના સુદાસ ઇન્દ્રો ગાધાન્ય્ અકૃણોત્ સુપારા ।
શર્ધન્તં શિમ્યુમ્ ઉચથસ્ય નવ્યઃ શાપં સિન્ધૂનામ્ અકૃણોદ્ અશસ્તીઃ ॥

પુરોળા ઇત્ તુર્વશો યક્ષુર્ આસીદ્ રાયે મત્સ્યાસો નિશિતા અપીવ ।
શ્રુષ્ટિં ચક્રુર્ ભૃગવો દ્રુહ્યવશ્ ચ સખા સખાયમ્ અતરદ્ વિષૂચોઃ ॥

આ પક્થાસો ભલાનસો ભનન્તાલિનાસો વિષાણિનઃ શિવાસઃ ।
આ યો ઽનયત્ સધમા આર્યસ્ય ગવ્યા તૃત્સુભ્યો અજગન્ યુધા નૄન્ ॥

દુરાધ્યો3 અદિતિં સ્રેવયન્તો ઽચેતસો વિ જગૃભ્રે પરુષ્ણીમ્ ।
મહ્નાવિવ્યક્ પૃથિવીમ્ પત્યમાનઃ પશુષ્ કવિર્ અશયચ્ ચાયમાનઃ ॥

ઈયુર્ અર્થં ન ન્યર્થમ્ પરુષ્ણીમ્ આશુશ્ ચનેદ્ અભિપિત્વં જગામ ।
સુદાસ ઇન્દ્રઃ સુતુકાઁ અમિત્રાન્ અરન્ધયન્ માનુષે વધ્રિવાચઃ ॥

ઈયુર્ ગાવો ન યવસાદ્ અગોપા યથાકૃતમ્ અભિ મિત્રં ચિતાસઃ ।
પૃશ્નિગાવઃ પૃશ્નિનિપ્રેષિતાસઃ શ્રુષ્ટિં ચક્રુર્ નિયુતો રન્તયશ્ ચ ॥

એકં ચ યો વિંશતિં ચ શ્રવસ્યા વૈકર્ણયોર્ જનાન્ રાજા ન્ય્ અસ્તઃ ।
દસ્મો ન સદ્મન્ નિ શિશાતિ બર્હિઃ શૂરઃ સર્ગમ્ અકૃણોદ્ ઇન્દ્ર એષામ્ ॥

અધ શ્રુતં કવષં વૃદ્ધમ્ અપ્સ્વ્ અનુ દ્રુહ્યું નિ વૃણગ્ વજ્રબાહુઃ ।
વૃણાના અત્ર સખ્યાય સખ્યં ત્વાયન્તો યે અમદન્ન્ અનુ ત્વા ॥

વિ સદ્યો વિશ્વા દૃંહિતાન્ય્ એષામ્ ઇન્દ્રઃ પુરઃ સહસા સપ્ત દર્દઃ ।
વ્ય્ આનવસ્ય તૃત્સવે ગયમ્ ભાગ્ જેષ્મ પૂરું વિદથે મૃધ્રવાચમ્ ॥

નિ ગવ્યવો ઽનવો દ્રુહ્યવશ્ ચ ષષ્ટિઃ શતા સુષુપુઃ ષટ્ સહસ્રા ।
ષષ્ટિર્ વીરાસો અધિ ષડ્ દુવોયુ વિશ્વેદ્ ઇન્દ્રસ્ય વીર્યા કૃતાનિ ॥

ઇન્દ્રેણૈતે તૃત્સવો વેવિષાણા આપો ન સૃષ્ટા અધવન્ત નીચીઃ ।
દુર્મિત્રાસઃ પ્રકલવિન્ મિમાના જહુર્ વિશ્વાનિ ભોજના સુદાસે ॥

અર્ધં વીરસ્ય શૃતપામ્ અનિન્દ્રમ્ પરા શર્ધન્તં નુનુદે અભિ ક્ષામ્ ।
ઇન્દ્રો મન્યુમ્ મન્યુમ્યો મિમાય ભેજે પથો વર્તનિમ્ પત્યમાનઃ ॥

આધ્રેણ ચિત્ તદ્ વ્ એકં ચકાર સિંહ્યં ચિત્ પેત્વેના જઘાન ।
અવ સ્રક્તીર્ વેશ્યાવૃશ્ચદ્ ઇન્દ્રઃ પ્રાયચ્છદ્ વિશ્વા ભોજના સુદાસે ॥

શશ્વન્તો હિ શત્રવો રારધુષ્ ટે ભેદસ્ય ચિચ્ છર્ધતો વિન્દ રન્ધિમ્ ।
મર્તાઁ એનઃ સ્તુવતો યઃ કૃણોતિ તિગ્મં તસ્મિન્ નિ જહિ વજ્રમ્ ઇન્દ્ર ॥

આવદ્ ઇન્દ્રં યમુના તૃત્સવશ્ ચ પ્રાત્ર ભેદં સર્વતાતા મુષાયત્ ।
અજાસશ્ ચ શિગ્રવો યક્ષવશ્ ચ બલિં શીર્ષાણિ જભ્રુર્ અશ્વ્યાનિ ॥

ન ત ઇન્દ્ર સુમતયો ન રાયઃ સંચક્ષે પૂર્વા ઉષસો ન નૂત્નાઃ ।
દેવકં ચિન્ માન્યમાનં જઘન્થાવ ત્મના બૃહતઃ શમ્બરમ્ ભેત્ ॥

પ્ર યે ગૃહાદ્ અમમદુસ્ ત્વાયા પરાશરઃ શતયાતુર્ વસિષ્ઠઃ ।
ન તે ભોજસ્ય સખ્યમ્ મૃષન્તાધા સૂરિભ્યઃ સુદિના વ્ય્ ઉચ્છાન્ ॥

દ્વે નપ્તુર્ દેવવતઃ શતે ગોર્ દ્વા રથા વધૂમન્તા સુદાસઃ ।
અર્હન્ન્ અગ્ને પૈજવનસ્ય દાનં હોતેવ સદ્મ પર્ય્ એમિ રેભન્ ॥

ચત્વારો મા પૈજવનસ્ય દાનાઃ સ્મદ્દિષ્ટયઃ કૃશનિનો નિરેકે ।
ઋજ્રાસો મા પૃથિવિષ્ઠાઃ સુદાસસ્ તોકં તોકાય શ્રવસે વહન્તિ ॥

યસ્ય શ્રવો રોદસી અન્તર્ ઉર્વી શીર્ષ્ણે-શીર્ષ્ણે વિબભાજા વિભક્તા ।
સપ્તેદ્ ઇન્દ્રં ન સ્રવતો ગૃણન્તિ નિ યુધ્યામધિમ્ અશિશાદ્ અભીકે ॥

ઇમં નરો મરુતઃ સશ્ચતાનુ દિવોદાસં ન પિતરં સુદાસઃ ।
અવિષ્ટના પૈજવનસ્ય કેતં દૂણાશં ક્ષત્રમ્ અજરં દુવોયુ ॥