ઋગ્વેદ · અધ્યાય 7.006

પ્ર સમ્રાજો અસુરસ્ય પ્રશસ્તિમ્ પુંસઃ કૃષ્ટીનામ્ અનુમાદ્યસ્ય ।
ઇન્દ્રસ્યેવ પ્ર તવસસ્ કૃતાનિ વન્દે દારું વન્દમાનો વિવક્મિ ॥

કવિં કેતું ધાસિમ્ ભાનુમ્ અદ્રેર્ હિન્વન્તિ શં રાજ્યં રોદસ્યોઃ ।
પુરંદરસ્ય ગીર્ભિર્ આ વિવાસે ઽગ્નેર્ વ્રતાનિ પૂર્વ્યા મહાનિ ॥

ન્ય્ અક્રતૂન્ ગ્રથિનો મૃધ્રવાચઃ પણીઁર્ અશ્રદ્ધાઁ અવૃધાઁ અયજ્ઞાન્ ।
પ્ર-પ્ર તાન્ દસ્યૂઁર્ અગ્નિર્ વિવાય પૂર્વશ્ ચકારાપરાઁ અયજ્યૂન્ ॥

યો અપાચીને તમસિ મદન્તીઃ પ્રાચીશ્ ચકાર નૃતમઃ શચીભિઃ ।
તમ્ ઈશાનં વસ્વો અગ્નિં ગૃણીષે ઽનાનતં દમયન્તમ્ પૃતન્યૂન્ ॥

યો દેહ્યો3 અનમયદ્ વધસ્નૈર્ યો અર્યપત્નીર્ ઉષસશ્ ચકાર ।
સ નિરુધ્યા નહુષો યહ્વો અગ્નિર્ વિશશ્ ચક્રે બલિહૃતઃ સહોભિઃ ॥

યસ્ય શર્મન્ન્ ઉપ વિશ્વે જનાસ એવૈસ્ તસ્થુઃ સુમતિમ્ ભિક્ષમાણાઃ ।
વૈશ્વાનરો વરમ્ આ રોદસ્યોર્ આગ્નિઃ સસાદ પિત્રોર્ ઉપસ્થમ્ ॥

આ દેવો દદે બુધ્ન્યા3 વસૂનિ વૈશ્વાનર ઉદિતા સૂર્યસ્ય ।
આ સમુદ્રાદ્ અવરાદ્ આ પરસ્માદ્ આગ્નિર્ દદે દિવ આ પૃથિવ્યાઃ ॥