ઋગ્વેદ · અધ્યાય 6.071

ઉદ્ ઉ ષ્ય દેવઃ સવિતા હિરણ્યયા બાહૂ અયંસ્ત સવનાય સુક્રતુઃ ।
ઘૃતેન પાણી અભિ પ્રુષ્ણુતે મખો યુવા સુદક્ષો રજસો વિધર્મણિ ॥

દેવસ્ય વયં સવિતુઃ સવીમનિ શ્રેષ્ઠે સ્યામ વસુનશ્ ચ દાવને ।
યો વિશ્વસ્ય દ્વિપદો યશ્ ચતુષ્પદો નિવેશને પ્રસવે ચાસિ ભૂમનઃ ॥

અદબ્ધેભિઃ સવિતઃ પાયુભિષ્ ટ્વં શિવેભિર્ અદ્ય પરિ પાહિ નો ગયમ્ ।
હિરણ્યજિહ્વઃ સુવિતાય નવ્યસે રક્ષા માકિર્ નો અઘશંસ ઈશત ॥

ઉદ્ ઉ ષ્ય દેવઃ સવિતા દમૂના હિરણ્યપાણિઃ પ્રતિદોષમ્ અસ્થાત્ ।
અયોહનુર્ યજતો મન્દ્રજિહ્વ આ દાશુષે સુવતિ ભૂરિ વામમ્ ॥

ઉદ્ ઊ અયાઁ ઉપવક્તેવ બાહૂ હિરણ્યયા સવિતા સુપ્રતીકા ।
દિવો રોહાંસ્ય્ અરુહત્ પૃથિવ્યા અરીરમત્ પતયત્ કચ્ ચિદ્ અભ્વમ્ ॥

વામમ્ અદ્ય સવિતર્ વામમ્ ઉ શ્વો દિવે-દિવે વામમ્ અસ્મભ્યં સાવીઃ ।
વામસ્ય હિ ક્ષયસ્ય દેવ ભૂરેર્ અયા ધિયા વામભાજઃ સ્યામ ॥