ઋગ્વેદ · અધ્યાય 6.070

ઘૃતવતી ભુવનાનામ્ અભિશ્રિયોર્વી પૃથ્વી મધુદુઘે સુપેશસા ।
દ્યાવાપૃથિવી વરુણસ્ય ધર્મણા વિષ્કભિતે અજરે ભૂરિરેતસા ॥

અસશ્ચન્તી ભૂરિધારે પયસ્વતી ઘૃતં દુહાતે સુકૃતે શુચિવ્રતે ।
રાજન્તી અસ્ય ભુવનસ્ય રોદસી અસ્મે રેતઃ સિઞ્ચતં યન્ મનુર્હિતમ્ ॥

યો વામ્ ઋજવે ક્રમણાય રોદસી મર્તો દદાશ ધિષણે સ સાધતિ ।
પ્ર પ્રજાભિર્ જાયતે ધર્મણસ્ પરિ યુવોઃ સિક્તા વિષુરૂપાણિ સવ્રતા ॥

ઘૃતેન દ્યાવાપૃથિવી અભીવૃતે ઘૃતશ્રિયા ઘૃતપૃચા ઘૃતાવૃધા ।
ઉર્વી પૃથ્વી હોતૃવૂર્યે પુરોહિતે તે ઇદ્ વિપ્રા ઈળતે સુમ્નમ્ ઇષ્ટયે ॥

મધુ નો દ્યાવાપૃથિવી મિમિક્ષતામ્ મધુશ્ચુતા મધુદુઘે મધુવ્રતે ।
દધાને યજ્ઞં દ્રવિણં ચ દેવતા મહિ શ્રવો વાજમ્ અસ્મે સુવીર્યમ્ ॥

ઊર્જં નો દ્યૌશ્ ચ પૃથિવી ચ પિન્વતામ્ પિતા માતા વિશ્વવિદા સુદંસસા ।
સંરરાણે રોદસી વિશ્વશમ્ભુવા સનિં વાજં રયિમ્ અસ્મે સમ્ ઇન્વતામ્ ॥