ઋગ્વેદ · અધ્યાય 6.066

વપુર્ નુ તચ્ ચિકિતુષે ચિદ્ અસ્તુ સમાનં નામ ધેનુ પત્યમાનમ્ ।
મર્તેષ્વ્ અન્યદ્ દોહસે પીપાય સકૃચ્ છુક્રં દુદુહે પૃશ્નિર્ ઊધઃ ॥

યે અગ્નયો ન શોશુચન્ન્ ઇધાના દ્વિર્ યત્ ત્રિર્ મરુતો વાવૃધન્ત ।
અરેણવો હિરણ્યયાસ એષાં સાકં નૃમ્ણૈઃ પૌંસ્યેભિશ્ ચ ભૂવન્ ॥

રુદ્રસ્ય યે મીળ્હુષઃ સન્તિ પુત્રા યાઁશ્ ચો નુ દાધૃવિર્ ભરધ્યૈ ।
વિદે હિ માતા મહો મહી ષા સેત્ પૃશ્નિઃ સુભ્વે3 ગર્ભમ્ આધાત્ ॥

ન ય ઈષન્તે જનુષો ઽયા ન્વ્ અ1ન્તઃ સન્તો ઽવદ્યાનિ પુનાનાઃ ।
નિર્ યદ્ દુહ્રે શુચયો ઽનુ જોષમ્ અનુ શ્રિયા તન્વમ્ ઉક્ષમાણાઃ ॥

મક્ષૂ ન યેષુ દોહસે ચિદ્ અયા આ નામ ધૃષ્ણુ મારુતં દધાનાઃ ।
ન યે સ્તૌના અયાસો મહ્ના નૂ ચિત્ સુદાનુર્ અવ યાસદ્ ઉગ્રાન્ ॥

ત ઇદ્ ઉગ્રાઃ શવસા ધૃષ્ણુષેણા ઉભે યુજન્ત રોદસી સુમેકે ।
અધ સ્મૈષુ રોદસી સ્વશોચિર્ આમવત્સુ તસ્થૌ ન રોકઃ ॥

અનેનો વો મરુતો યામો અસ્ત્વ્ અનશ્વશ્ ચિદ્ યમ્ અજત્ય્ અરથીઃ ।
અનવસો અનભીશૂ રજસ્તૂર્ વિ રોદસી પથ્યા યાતિ સાધન્ ॥

નાસ્ય વર્તા ન તરુતા ન્વ્ અસ્તિ મરુતો યમ્ અવથ વાજસાતૌ ।
તોકે વા ગોષુ તનયે યમ્ અપ્સુ સ વ્રજં દર્તા પાર્યે અધ દ્યોઃ ॥

પ્ર ચિત્રમ્ અર્કં ગૃણતે તુરાય મારુતાય સ્વતવસે ભરધ્વમ્ ।
યે સહાંસિ સહસા સહન્તે રેજતે અગ્ને પૃથિવી મખેભ્યઃ ॥

ત્વિષીમન્તો અધ્વરસ્યેવ દિદ્યુત્ તૃષુચ્યવસો જુહ્વો3 નાગ્નેઃ ।
અર્ચત્રયો ધુનયો ન વીરા ભ્રાજજ્જન્માનો મરુતો અધૃષ્ટાઃ ॥

તં વૃધન્તમ્ મારુતમ્ ભ્રાજદૃષ્ટિં રુદ્રસ્ય સૂનું હવસા વિવાસે ।
દિવઃ શર્ધાય શુચયો મનીષા ગિરયો નાપ ઉગ્રા અસ્પૃધ્રન્ ॥