ઋગ્વેદ · અધ્યાય 6.063

ક્વ1 ત્યા વલ્ગૂ પુરુહૂતાદ્ય દૂતો ન સ્તોમો ઽવિદન્ નમસ્વાન્ ।
આ યો અર્વાઙ્ નાસત્યા વવર્ત પ્રેષ્ઠા હ્ય્ અસથો અસ્ય મન્મન્ ॥

અરમ્ મે ગન્તં હવનાયાસ્મૈ ગૃણાના યથા પિબાથો અન્ધઃ ।
પરિ હ ત્યદ્ વર્તિર્ યાથો રિષો ન યત્ પરો નાન્તરસ્ તુતુર્યાત્ ॥

અકારિ વામ્ અન્ધસો વરીમન્ન્ અસ્તારિ બર્હિઃ સુપ્રાયણતમમ્ ।
ઉત્તાનહસ્તો યુવયુર્ વવન્દા વાં નક્ષન્તો અદ્રય આઞ્જન્ ॥

ઊર્ધ્વો વામ્ અગ્નિર્ અધ્વરેષ્વ્ અસ્થાત્ પ્ર રાતિર્ એતિ જૂર્ણિની ઘૃતાચી ।
પ્ર હોતા ગૂર્તમના ઉરાણો ઽયુક્ત યો નાસત્યા હવીમન્ ॥

અધિ શ્રિયે દુહિતા સૂર્યસ્ય રથં તસ્થૌ પુરુભુજા શતોતિમ્ ।
પ્ર માયાભિર્ માયિના ભૂતમ્ અત્ર નરા નૃતૂ જનિમન્ યજ્ઞિયાનામ્ ॥

યુવં શ્રીભિર્ દર્શતાભિર્ આભિઃ શુભે પુષ્ટિમ્ ઊહથુઃ સૂર્યાયાઃ ।
પ્ર વાં વયો વપુષે ઽનુ પપ્તન્ નક્ષદ્ વાણી સુષ્ટુતા ધિષ્ણ્યા વામ્ ॥

આ વાં વયો ઽશ્વાસો વહિષ્ઠા અભિ પ્રયો નાસત્યા વહન્તુ ।
પ્ર વાં રથો મનોજવા અસર્જીષઃ પૃક્ષ ઇષિધો અનુ પૂર્વીઃ ॥

પુરુ હિ વામ્ પુરુભુજા દેષ્ણં ધેનું ન ઇષમ્ પિન્વતમ્ અસક્રામ્ ।
સ્તુતશ્ ચ વામ્ માધ્વી સુષ્ટુતિશ્ ચ રસાશ્ ચ યે વામ્ અનુ રાતિમ્ અગ્મન્ ॥

ઉત મ ઋજ્રે પુરયસ્ય રઘ્વી સુમીળ્હે શતમ્ પેરુકે ચ પક્વા ।
શાણ્ડો દાદ્ ધિરણિનઃ સ્મદ્દિષ્ટીન્ દશ વશાસો અભિષાચ ઋષ્વાન્ ॥

સં વાં શતા નાસત્યા સહસ્રાશ્વાનામ્ પુરુપન્થા ગિરે દાત્ ।
ભરદ્વાજાય વીર નૂ ગિરે દાદ્ ધતા રક્ષાંસિ પુરુદંસસા સ્યુઃ ॥

આ વાં સુમ્ને વરિમન્ સૂરિભિઃ ષ્યામ્ ॥