ઋગ્વેદ · અધ્યાય 6.062

સ્તુષે નરા દિવો અસ્ય પ્રસન્તાશ્વિના હુવે જરમાણો અર્કૈઃ ।
યા સદ્ય ઉસ્રા વ્યુષિ જ્મો અન્તાન્ યુયૂષતઃ પર્ય્ ઉરૂ વરાંસિ ॥

તા યજ્ઞમ્ આ શુચિભિશ્ ચક્રમાણા રથસ્ય ભાનું રુરુચૂ રજોભિઃ ।
પુરૂ વરાંસ્ય્ અમિતા મિમાનાપો ધન્વાન્ય્ અતિ યાથો અજ્રાન્ ॥

તા હ ત્યદ્ વર્તિર્ યદ્ અરધ્રમ્ ઉગ્રેત્થા ધિય ઊહથુઃ શશ્વદ્ અશ્વૈઃ ।
મનોજવેભિર્ ઇષિરૈઃ શયધ્યૈ પરિ વ્યથિર્ દાશુષો મર્ત્યસ્ય ॥

તા નવ્યસો જરમાણસ્ય મન્મોપ ભૂષતો યુયુજાનસપ્તી ।
શુભમ્ પૃક્ષમ્ ઇષમ્ ઊર્જં વહન્તા હોતા યક્ષત્ પ્રત્નો અધ્રુગ્ યુવાના ॥

તા વલ્ગૂ દસ્રા પુરુશાકતમા પ્રત્ના નવ્યસા વચસા વિવાસે ।
યા શંસતે સ્તુવતે શમ્ભવિષ્ઠા બભૂવતુર્ ગૃણતે ચિત્રરાતી ॥

તા ભુજ્યું વિભિર્ અદ્ભ્યઃ સમુદ્રાત્ તુગ્રસ્ય સૂનુમ્ ઊહથૂ રજોભિઃ ।
અરેણુભિર્ યોજનેભિર્ ભુજન્તા પતત્રિભિર્ અર્ણસો નિર્ ઉપસ્થાત્ ॥

વિ જયુષા રથ્યા યાતમ્ અદ્રિં શ્રુતં હવં વૃષણા વધ્રિમત્યાઃ ।
દશસ્યન્તા શયવે પિપ્યથુર્ ગામ્ ઇતિ ચ્યવાના સુમતિમ્ ભુરણ્યૂ ॥

યદ્ રોદસી પ્રદિવો અસ્તિ ભૂમા હેળો દેવાનામ્ ઉત મર્ત્યત્રા ।
તદ્ આદિત્યા વસવો રુદ્રિયાસો રક્ષોયુજે તપુર્ અઘં દધાત ॥

ય ઈં રાજાનાવ્ ઋતુથા વિદધદ્ રજસો મિત્રો વરુણશ્ ચિકેતત્ ।
ગમ્ભીરાય રક્ષસે હેતિમ્ અસ્ય દ્રોઘાય ચિદ્ વચસ આનવાય ॥

અન્તરૈશ્ ચક્રૈસ્ તનયાય વર્તિર્ દ્યુમતા યાતં નૃવતા રથેન ।
સનુત્યેન ત્યજસા મર્ત્યસ્ય વનુષ્યતામ્ અપિ શીર્ષા વવૃક્તમ્ ॥

આ પરમાભિર્ ઉત મધ્યમાભિર્ નિયુદ્ભિર્ યાતમ્ અવમાભિર્ અર્વાક્ ।
દૃળ્હસ્ય ચિદ્ ગોમતો વિ વ્રજસ્ય દુરો વર્તં ગૃણતે ચિત્રરાતી ॥