ઋગ્વેદ · અધ્યાય 6.055

એહિ વાં વિમુચો નપાદ્ આઘૃણે સં સચાવહૈ ।
રથીર્ ઋતસ્ય નો ભવ ॥

રથીતમં કપર્દિનમ્ ઈશાનં રાધસો મહઃ ।
રાયઃ સખાયમ્ ઈમહે ॥

રાયો ધારાસ્ય્ આઘૃણે વસો રાશિર્ અજાશ્વ ।
ધીવતો-ધીવતઃ સખા ॥

પૂષણં ન્વ્ અ1જાશ્વમ્ ઉપ સ્તોષામ વાજિનમ્ ।
સ્વસુર્ યો જાર ઉચ્યતે ॥

માતુર્ દિધિષુમ્ અબ્રવં સ્વસુર્ જારઃ શૃણોતુ નઃ ।
ભ્રાતેન્દ્રસ્ય સખા મમ ॥

આજાસઃ પૂષણં રથે નિશૃમ્ભાસ્ તે જનશ્રિયમ્ ।
દેવં વહન્તુ બિભ્રતઃ ॥