ઋગ્વેદ · અધ્યાય 6.056

ય એનમ્ આદિદેશતિ કરમ્ભાદ્ ઇતિ પૂષણમ્ ।
ન તેન દેવ આદિશે ॥

ઉત ઘા સ રથીતમઃ સખ્યા સત્પતિર્ યુજા ।
ઇન્દ્રો વૃત્રાણિ જિઘ્નતે ॥

ઉતાદઃ પરુષે ગવિ સૂરશ્ ચક્રં હિરણ્યયમ્ ।
ન્ય્ ઐરયદ્ રથીતમઃ ॥

યદ્ અદ્ય ત્વા પુરુષ્ટુત બ્રવામ દસ્ર મન્તુમઃ ।
તત્ સુ નો મન્મ સાધય ॥

ઇમં ચ નો ગવેષણં સાતયે સીષધો ગણમ્ ।
આરાત્ પૂષન્ન્ અસિ શ્રુતઃ ॥

આ તે સ્વસ્તિમ્ ઈમહ આરેઅઘામ્ ઉપાવસુમ્ ।
અદ્યા ચ સર્વતાતયે શ્વશ્ ચ સર્વતાતયે ॥