ઋગ્વેદ · અધ્યાય 6.049

સ્તુષે જનં સુવ્રતં નવ્યસીભિર્ ગીર્ભિર્ મિત્રાવરુણા સુમ્નયન્તા ।
ત આ ગમન્તુ ત ઇહ શ્રુવન્તુ સુક્ષત્રાસો વરુણો મિત્રો અગ્નિઃ ॥

વિશો-વિશ ઈડ્યમ્ અધ્વરેષ્વ્ અદૃપ્તક્રતુમ્ અરતિં યુવત્યોઃ ।
દિવઃ શિશું સહસઃ સૂનુમ્ અગ્નિં યજ્ઞસ્ય કેતુમ્ અરુષં યજધ્યૈ ॥

અરુષસ્ય દુહિતરા વિરૂપે સ્તૃભિર્ અન્યા પિપિશે સૂરો અન્યા ।
મિથસ્તુરા વિચરન્તી પાવકે મન્મ શ્રુતં નક્ષત ઋચ્યમાને ॥

પ્ર વાયુમ્ અચ્છા બૃહતી મનીષા બૃહદ્રયિં વિશ્વવારં રથપ્રામ્ ।
દ્યુતદ્યામા નિયુતઃ પત્યમાનઃ કવિઃ કવિમ્ ઇયક્ષસિ પ્રયજ્યો ॥

સ મે વપુશ્ છદયદ્ અશ્વિનોર્ યો રથો વિરુક્માન્ મનસા યુજાનઃ ।
યેન નરા નાસત્યેષયધ્યૈ વર્તિર્ યાથસ્ તનયાય ત્મને ચ ॥

પર્જન્યવાતા વૃષભા પૃથિવ્યાઃ પુરીષાણિ જિન્વતમ્ અપ્યાનિ ।
સત્યશ્રુતઃ કવયો યસ્ય ગીર્ભિર્ જગતઃ સ્થાતર્ જગદ્ આ કૃણુધ્વમ્ ॥

પાવીરવી કન્યા ચિત્રાયુઃ સરસ્વતી વીરપત્ની ધિયં ધાત્ ।
ગ્નાભિર્ અચ્છિદ્રં શરણં સજોષા દુરાધર્ષં ગૃણતે શર્મ યંસત્ ॥

પથસ્-પથઃ પરિપતિં વચસ્યા કામેન કૃતો અભ્ય્ આનળ્ અર્કમ્ ।
સ નો રાસચ્ છુરુધશ્ ચન્દ્રાગ્રા ધિયં-ધિયં સીષધાતિ પ્ર પૂષા ॥

પ્રથમભાજં યશસં વયોધાં સુપાણિં દેવં સુગભસ્તિમ્ ઋભ્વમ્ ।
હોતા યક્ષદ્ યજતમ્ પસ્ત્યાનામ્ અગ્નિસ્ ત્વષ્ટારં સુહવં વિભાવા ॥

ભુવનસ્ય પિતરં ગીર્ભિર્ આભી રુદ્રં દિવા વર્ધયા રુદ્રમ્ અક્તૌ ।
બૃહન્તમ્ ઋષ્વમ્ અજરં સુષુમ્નમ્ ઋધગ્ ઘુવેમ કવિનેષિતાસઃ ॥

આ યુવાનઃ કવયો યજ્ઞિયાસો મરુતો ગન્ત ગૃણતો વરસ્યામ્ ।
અચિત્રં ચિદ્ ધિ જિન્વથા વૃધન્ત ઇત્થા નક્ષન્તો નરો અઙ્ગિરસ્વત્ ॥

પ્ર વીરાય પ્ર તવસે તુરાયાજા યૂથેવ પશુરક્ષિર્ અસ્તમ્ ।
સ પિસ્પૃશતિ તન્વિ શ્રુતસ્ય સ્તૃભિર્ ન નાકં વચનસ્ય વિપઃ ॥

યો રજાંસિ વિમમે પાર્થિવાનિ ત્રિશ્ ચિદ્ વિષ્ણુર્ મનવે બાધિતાય ।
તસ્ય તે શર્મન્ન્ ઉપદદ્યમાને રાયા મદેમ તન્વા3 તના ચ ॥

તન્ નો ઽહિર્ બુધ્ન્યો અદ્ભિર્ અર્કૈસ્ તત્ પર્વતસ્ તત્ સવિતા ચનો ધાત્ ।
તદ્ ઓષધીભિર્ અભિ રાતિષાચો ભગઃ પુરંધિર્ જિન્વતુ પ્ર રાયે ॥

નુ નો રયિં રથ્યં ચર્ષણિપ્રામ્ પુરુવીરમ્ મહ ઋતસ્ય ગોપામ્ ।
ક્ષયં દાતાજરં યેન જનાન્ સ્પૃધો અદેવીર્ અભિ ચ ક્રમામ વિશ આદેવીર્ અભ્ય્ અ1શ્નવામ ॥