ઋગ્વેદ · અધ્યાય 6.041

અહેળમાન ઉપ યાહિ યજ્ઞં તુભ્યમ્ પવન્ત ઇન્દવઃ સુતાસઃ ।
ગાવો ન વજ્રિન્ સ્વમ્ ઓકો અચ્છેન્દ્રા ગહિ પ્રથમો યજ્ઞિયાનામ્ ॥

યા તે કાકુત્ સુકૃતા યા વરિષ્ઠા યયા શશ્વત્ પિબસિ મધ્વ ઊર્મિમ્ ।
તયા પાહિ પ્ર તે અધ્વર્યુર્ અસ્થાત્ સં તે વજ્રો વર્તતામ્ ઇન્દ્ર ગવ્યુઃ ॥

એષ દ્રપ્સો વૃષભો વિશ્વરૂપ ઇન્દ્રાય વૃષ્ણે સમ્ અકારિ સોમઃ ।
એતમ્ પિબ હરિવઃ સ્થાતર્ ઉગ્ર યસ્યેશિષે પ્રદિવિ યસ્ તે અન્નમ્ ॥

સુતઃ સોમો અસુતાદ્ ઇન્દ્ર વસ્યાન્ અયં શ્રેયાઞ્ ચિકિતુષે રણાય ।
એતં તિતિર્વ ઉપ યાહિ યજ્ઞં તેન વિશ્વાસ્ તવિષીર્ આ પૃણસ્વ ॥

હ્વયામસિ ત્વેન્દ્ર યાહ્ય્ અર્વાઙ્ અરં તે સોમસ્ તન્વે ભવાતિ ।
શતક્રતો માદયસ્વા સુતેષુ પ્રાસ્માઁ અવ પૃતનાસુ પ્ર વિક્ષુ ॥