ઋગ્વેદ · અધ્યાય 6.040

ઇન્દ્ર પિબ તુભ્યં સુતો મદાયાવ સ્ય હરી વિ મુચા સખાયા ।
ઉત પ્ર ગાય ગણ આ નિષદ્યાથા યજ્ઞાય ગૃણતે વયો ધાઃ ॥

અસ્ય પિબ યસ્ય જજ્ઞાન ઇન્દ્ર મદાય ક્રત્વે અપિબો વિરપ્શિન્ ।
તમ્ ઉ તે ગાવો નર આપો અદ્રિર્ ઇન્દું સમ્ અહ્યન્ પીતયે સમ્ અસ્મૈ ॥

સમિદ્ધે અગ્નૌ સુત ઇન્દ્ર સોમ આ ત્વા વહન્તુ હરયો વહિષ્ઠાઃ ।
ત્વાયતા મનસા જોહવીમીન્દ્રા યાહિ સુવિતાય મહે નઃ ॥

આ યાહિ શશ્વદ્ ઉશતા યયાથેન્દ્ર મહા મનસા સોમપેયમ્ ।
ઉપ બ્રહ્માણિ શૃણવ ઇમા નો ઽથા તે યજ્ઞસ્ તન્વે3 વયો ધાત્ ॥

યદ્ ઇન્દ્ર દિવિ પાર્યે યદ્ ઋધગ્ યદ્ વા સ્વે સદને યત્ર વાસિ ।
અતો નો યજ્ઞમ્ અવસે નિયુત્વાન્ સજોષાઃ પાહિ ગિર્વણો મરુદ્ભિઃ ॥