ઋગ્વેદ · અધ્યાય 6.039

મન્દ્રસ્ય કવેર્ દિવ્યસ્ય વહ્નેર્ વિપ્રમન્મનો વચનસ્ય મધ્વઃ ।
અપા નસ્ તસ્ય સચનસ્ય દેવેષો યુવસ્વ ગૃણતે ગોઅગ્રાઃ ॥

અયમ્ ઉશાનઃ પર્ય્ અદ્રિમ્ ઉસ્રા ઋતધીતિભિર્ ઋતયુગ્ યુજાનઃ ।
રુજદ્ અરુગ્ણં વિ વલસ્ય સાનુમ્ પણીઁર્ વચોભિર્ અભિ યોધદ્ ઇન્દ્રઃ ॥

અયં દ્યોતયદ્ અદ્યુતો વ્ય્ અ1ક્તૂન્ દોષા વસ્તોઃ શરદ ઇન્દુર્ ઇન્દ્ર ।
ઇમં કેતુમ્ અદધુર્ નૂ ચિદ્ અહ્નાં શુચિજન્મન ઉષસશ્ ચકાર ॥

અયં રોચયદ્ અરુચો રુચાનો3 ઽયં વાસયદ્ વ્ય્ ઋ1તેન પૂર્વીઃ ।
અયમ્ ઈયત ઋતયુગ્ભિર્ અશ્વૈઃ સ્વર્વિદા નાભિના ચર્ષણિપ્રાઃ ॥

નૂ ગૃણાનો ગૃણતે પ્રત્ન રાજન્ન્ ઇષઃ પિન્વ વસુદેયાય પૂર્વીઃ ।
અપ ઓષધીર્ અવિષા વનાનિ ગા અર્વતો નૄન્ ઋચસે રિરીહિ ॥