ઋગ્વેદ · અધ્યાય 6.038

અપાદ્ ઇત ઉદ્ ઉ નશ્ ચિત્રતમો મહીમ્ ભર્ષદ્ દ્યુમતીમ્ ઇન્દ્રહૂતિમ્ ।
પન્યસીં ધીતિં દૈવ્યસ્ય યામઞ્ જનસ્ય રાતિં વનતે સુદાનુઃ ॥

દૂરાચ્ ચિદ્ આ વસતો અસ્ય કર્ણા ઘોષાદ્ ઇન્દ્રસ્ય તન્યતિ બ્રુવાણઃ ।
એયમ્ એનં દેવહૂતિર્ વવૃત્યાન્ મદ્ર્ય1ગ્ ઇન્દ્રમ્ ઇયમ્ ઋચ્યમાના ॥

તં વો ધિયા પરમયા પુરાજામ્ અજરમ્ ઇન્દ્રમ્ અભ્ય્ અનૂષ્ય્ અર્કૈઃ ।
બ્રહ્મા ચ ગિરો દધિરે સમ્ અસ્મિન્ મહાઁશ્ ચ સ્તોમો અધિ વર્ધદ્ ઇન્દ્રે ॥

વર્ધાદ્ યં યજ્ઞ ઉત સોમ ઇન્દ્રં વર્ધાદ્ બ્રહ્મ ગિર ઉક્થા ચ મન્મ ।
વર્ધાહૈનમ્ ઉષસો યામન્ન્ અક્તોર્ વર્ધાન્ માસાઃ શરદો દ્યાવ ઇન્દ્રમ્ ॥

એવા જજ્ઞાનં સહસે અસામિ વાવૃધાનં રાધસે ચ શ્રુતાય ।
મહામ્ ઉગ્રમ્ અવસે વિપ્ર નૂનમ્ આ વિવાસેમ વૃત્રતૂર્યેષુ ॥