ઋગ્વેદ · અધ્યાય 6.037

અર્વાગ્ રથં વિશ્વવારં ત ઉગ્રેન્દ્ર યુક્તાસો હરયો વહન્તુ ।
કીરિશ્ ચિદ્ ધિ ત્વા હવતે સ્વર્વાન્ ઋધીમહિ સધમાદસ્ તે અદ્ય ॥

પ્રો દ્રોણે હરયઃ કર્માગ્મન્ પુનાનાસ ઋજ્યન્તો અભૂવન્ ।
ઇન્દ્રો નો અસ્ય પૂર્વ્યઃ પપીયાદ્ દ્યુક્ષો મદસ્ય સોમ્યસ્ય રાજા ॥

આસસ્રાણાસઃ શવસાનમ્ અચ્છેન્દ્રં સુચક્રે રથ્યાસો અશ્વાઃ ।
અભિ શ્રવ ઋજ્યન્તો વહેયુર્ નૂ ચિન્ નુ વાયોર્ અમૃતં વિ દસ્યેત્ ॥

વરિષ્ઠો અસ્ય દક્ષિણામ્ ઇયર્તીન્દ્રો મઘોનાં તુવિકૂર્મિતમઃ ।
યયા વજ્રિવઃ પરિયાસ્ય્ અંહો મઘા ચ ધૃષ્ણો દયસે વિ સૂરીન્ ॥

ઇન્દ્રો વાજસ્ય સ્થવિરસ્ય દાતેન્દ્રો ગીર્ભિર્ વર્ધતાં વૃદ્ધમહાઃ ।
ઇન્દ્રો વૃત્રં હનિષ્ઠો અસ્તુ સત્વા તા સૂરિઃ પૃણતિ તૂતુજાનઃ ॥