ઋગ્વેદ · અધ્યાય 6.036

સત્રા મદાસસ્ તવ વિશ્વજન્યાઃ સત્રા રાયો ઽધ યે પાર્થિવાસઃ ।
સત્રા વાજાનામ્ અભવો વિભક્તા યદ્ દેવેષુ ધારયથા અસુર્યમ્ ॥

અનુ પ્ર યેજે જન ઓજો અસ્ય સત્રા દધિરે અનુ વીર્યાય ।
સ્યૂમગૃભે દુધયે ઽર્વતે ચ ક્રતું વૃઞ્જન્ત્ય્ અપિ વૃત્રહત્યે ॥

તં સધ્રીચીર્ ઊતયો વૃષ્ણ્યાનિ પૌંસ્યાનિ નિયુતઃ સશ્ચુર્ ઇન્દ્રમ્ ।
સમુદ્રં ન સિન્ધવ ઉક્થશુષ્મા ઉરુવ્યચસં ગિર આ વિશન્તિ ॥

સ રાયસ્ ખામ્ ઉપ સૃજા ગૃણાનઃ પુરુશ્ચન્દ્રસ્ય ત્વમ્ ઇન્દ્ર વસ્વઃ ।
પતિર્ બભૂથાસમો જનાનામ્ એકો વિશ્વસ્ય ભુવનસ્ય રાજા ॥

સ તુ શ્રુધિ શ્રુત્યા યો દુવોયુર્ દ્યૌર્ ન ભૂમાભિ રાયો અર્યઃ ।
અસો યથા નઃ શવસા ચકાનો યુગે-યુગે વયસા ચેકિતાનઃ ॥