ઋગ્વેદ · અધ્યાય 6.035

કદા ભુવન્ રથક્ષયાણિ બ્રહ્મ કદા સ્તોત્રે સહસ્રપોષ્યં દાઃ ।
કદા સ્તોમં વાસયો ઽસ્ય રાયા કદા ધિયઃ કરસિ વાજરત્નાઃ ॥

કર્હિ સ્વિત્ તદ્ ઇન્દ્ર યન્ નૃભિર્ નૄન્ વીરૈર્ વીરાન્ નીળયાસે જયાજીન્ ।
ત્રિધાતુ ગા અધિ જયાસિ ગોષ્વ્ ઇન્દ્ર દ્યુમ્નં સ્વર્વદ્ ધેહ્ય્ અસ્મે ॥

કર્હિ સ્વિત્ તદ્ ઇન્દ્ર યજ્ જરિત્રે વિશ્વપ્સુ બ્રહ્મ કૃણવઃ શવિષ્ઠ ।
કદા ધિયો ન નિયુતો યુવાસે કદા ગોમઘા હવનાનિ ગચ્છાઃ ॥

સ ગોમઘા જરિત્રે અશ્વશ્ચન્દ્રા વાજશ્રવસો અધિ ધેહિ પૃક્ષઃ ।
પીપિહીષઃ સુદુઘામ્ ઇન્દ્ર ધેનુમ્ ભરદ્વાજેષુ સુરુચો રુરુચ્યાઃ ॥

તમ્ આ નૂનં વૃજનમ્ અન્યથા ચિચ્ છૂરો યચ્ છક્ર વિ દુરો ગૃણીષે ।
મા નિર્ અરં શુક્રદુઘસ્ય ધેનોર્ આઙ્ગિરસાન્ બ્રહ્મણા વિપ્ર જિન્વ ॥