ઋગ્વેદ · અધ્યાય 6.034

સં ચ ત્વે જગ્મુર્ ગિર ઇન્દ્ર પૂર્વીર્ વિ ચ ત્વદ્ યન્તિ વિભ્વો મનીષાઃ ।
પુરા નૂનં ચ સ્તુતય ઋષીણામ્ પસ્પૃધ્ર ઇન્દ્રે અધ્ય્ ઉક્થાર્કા ॥

પુરુહૂતો યઃ પુરુગૂર્ત ઋભ્વાઁ એકઃ પુરુપ્રશસ્તો અસ્તિ યજ્ઞૈઃ ।
રથો ન મહે શવસે યુજાનો3 ઽસ્માભિર્ ઇન્દ્રો અનુમાદ્યો ભૂત્ ॥

ન યં હિંસન્તિ ધીતયો ન વાણીર્ ઇન્દ્રં નક્ષન્તીદ્ અભિ વર્ધયન્તીઃ ।
યદિ સ્તોતારઃ શતં યત્ સહસ્રં ગૃણન્તિ ગિર્વણસં શં તદ્ અસ્મૈ ॥

અસ્મા એતદ્ દિવ્ય્ અ1ર્ચેવ માસા મિમિક્ષ ઇન્દ્રે ન્ય્ અયામિ સોમઃ ।
જનં ન ધન્વન્ન્ અભિ સં યદ્ આપઃ સત્રા વાવૃધુર્ હવનાનિ યજ્ઞૈઃ ॥

અસ્મા એતન્ મહ્ય્ આઙ્ગૂષમ્ અસ્મા ઇન્દ્રાય સ્તોત્રમ્ મતિભિર્ અવાચિ ।
અસદ્ યથા મહતિ વૃત્રતૂર્ય ઇન્દ્રો વિશ્વાયુર્ અવિતા વૃધશ્ ચ ॥