ઋગ્વેદ · અધ્યાય 6.031

અભૂર્ એકો રયિપતે રયીણામ્ આ હસ્તયોર્ અધિથા ઇન્દ્ર કૃષ્ટીઃ ।
વિ તોકે અપ્સુ તનયે ચ સૂરે ઽવોચન્ત ચર્ષણયો વિવાચઃ ॥

ત્વદ્ ભિયેન્દ્ર પાર્થિવાનિ વિશ્વાચ્યુતા ચિચ્ ચ્યાવયન્તે રજાંસિ ।
દ્યાવાક્ષામા પર્વતાસો વનાનિ વિશ્વં દૃળ્હમ્ ભયતે અજ્મન્ન્ આ તે ॥

ત્વં કુત્સેનાભિ શુષ્ણમ્ ઇન્દ્રાશુષં યુધ્ય કુયવં ગવિષ્ટૌ ।
દશ પ્રપિત્વે અધ સૂર્યસ્ય મુષાયશ્ ચક્રમ્ અવિવે રપાંસિ ॥

ત્વં શતાન્ય્ અવ શમ્બરસ્ય પુરો જઘન્થાપ્રતીનિ દસ્યોઃ ।
અશિક્ષો યત્ર શચ્યા શચીવો દિવોદાસાય સુન્વતે સુતક્રે ભરદ્વાજાય ગૃણતે વસૂનિ ॥

સ સત્યસત્વન્ મહતે રણાય રથમ્ આ તિષ્ઠ તુવિનૃમ્ણ ભીમમ્ ।
યાહિ પ્રપથિન્ન્ અવસોપ મદ્રિક્ પ્ર ચ શ્રુત શ્રાવય ચર્ષણિભ્યઃ ॥