ઋગ્વેદ · અધ્યાય 6.023

સુત ઇત્ ત્વં નિમિશ્લ ઇન્દ્ર સોમે સ્તોમે બ્રહ્મણિ શસ્યમાન ઉક્થે ।
યદ્ વા યુક્તાભ્યામ્ મઘવન્ હરિભ્યામ્ બિભ્રદ્ વજ્રમ્ બાહ્વોર્ ઇન્દ્ર યાસિ ॥

યદ્ વા દિવિ પાર્યે સુષ્વિમ્ ઇન્દ્ર વૃત્રહત્યે ઽવસિ શૂરસાતૌ ।
યદ્ વા દક્ષસ્ય બિભ્યુષો અબિભ્યદ્ અરન્ધયઃ શર્ધત ઇન્દ્ર દસ્યૂન્ ॥

પાતા સુતમ્ ઇન્દ્રો અસ્તુ સોમમ્ પ્રણેનીર્ ઉગ્રો જરિતારમ્ ઊતી ।
કર્તા વીરાય સુષ્વય ઉ લોકં દાતા વસુ સ્તુવતે કીરયે ચિત્ ॥

ગન્તેયાન્તિ સવના હરિભ્યામ્ બભ્રિર્ વજ્રમ્ પપિઃ સોમં દદિર્ ગાઃ ।
કર્તા વીરં નર્યં સર્વવીરં શ્રોતા હવં ગૃણતઃ સ્તોમવાહાઃ ॥

અસ્મૈ વયં યદ્ વાવાન તદ્ વિવિષ્મ ઇન્દ્રાય યો નઃ પ્રદિવો અપસ્ કઃ ।
સુતે સોમે સ્તુમસિ શંસદ્ ઉક્થેન્દ્રાય બ્રહ્મ વર્ધનં યથાસત્ ॥

બ્રહ્માણિ હિ ચકૃષે વર્ધનાનિ તાવત્ ત ઇન્દ્ર મતિભિર્ વિવિષ્મઃ ।
સુતે સોમે સુતપાઃ શંતમાનિ રાણ્ડ્યા ક્રિયાસ્મ વક્ષણાનિ યજ્ઞૈઃ ॥

સ નો બોધિ પુરોળાશં રરાણઃ પિબા તુ સોમં ગોઋજીકમ્ ઇન્દ્ર ।
એદમ્ બર્હિર્ યજમાનસ્ય સીદોરું કૃધિ ત્વાયત ઉ લોકમ્ ॥

સ મન્દસ્વા હ્ય્ અનુ જોષમ્ ઉગ્ર પ્ર ત્વા યજ્ઞાસ ઇમે અશ્નુવન્તુ ।
પ્રેમે હવાસઃ પુરુહૂતમ્ અસ્મે આ ત્વેયં ધીર્ અવસ ઇન્દ્ર યમ્યાઃ ॥

તં વઃ સખાયઃ સં યથા સુતેષુ સોમેભિર્ ઈમ્ પૃણતા ભોજમ્ ઇન્દ્રમ્ ।
કુવિત્ તસ્મા અસતિ નો ભરાય ન સુષ્વિમ્ ઇન્દ્રો ઽવસે મૃધાતિ ॥

એવેદ્ ઇન્દ્રઃ સુતે અસ્તાવિ સોમે ભરદ્વાજેષુ ક્ષયદ્ ઇન્ મઘોનઃ ।
અસદ્ યથા જરિત્ર ઉત સૂરિર્ ઇન્દ્રો રાયો વિશ્વવારસ્ય દાતા ॥