ઋગ્વેદ · અધ્યાય 6.008

પૃક્ષસ્ય વૃષ્ણો અરુષસ્ય નૂ સહઃ પ્ર નુ વોચં વિદથા જાતવેદસઃ ।
વૈશ્વાનરાય મતિર્ નવ્યસી શુચિઃ સોમ ઇવ પવતે ચારુર્ અગ્નયે ॥

સ જાયમાનઃ પરમે વ્યોમનિ વ્રતાન્ય્ અગ્નિર્ વ્રતપા અરક્ષત ।
વ્ય્ અ1ન્તરિક્ષમ્ અમિમીત સુક્રતુર્ વૈશ્વાનરો મહિના નાકમ્ અસ્પૃશત્ ॥

વ્ય્ અસ્તભ્નાદ્ રોદસી મિત્રો અદ્ભુતો ઽન્તર્વાવદ્ અકૃણોજ્ જ્યોતિષા તમઃ ।
વિ ચર્મણીવ ધિષણે અવર્તયદ્ વૈશ્વાનરો વિશ્વમ્ અધત્ત વૃષ્ણ્યમ્ ॥

અપામ્ ઉપસ્થે મહિષા અગૃભ્ણત વિશો રાજાનમ્ ઉપ તસ્થુર્ ઋગ્મિયમ્ ।
આ દૂતો અગ્નિમ્ અભરદ્ વિવસ્વતો વૈશ્વાનરમ્ માતરિશ્વા પરાવતઃ ॥

યુગે-યુગે વિદથ્યં ગૃણદ્ભ્યો ઽગ્ને રયિં યશસં ધેહિ નવ્યસીમ્ ।
પવ્યેવ રાજન્ન્ અઘશંસમ્ અજર નીચા નિ વૃશ્ચ વનિનં ન તેજસા ॥

અસ્માકમ્ અગ્ને મઘવત્સુ ધારયાનામિ ક્ષત્રમ્ અજરં સુવીર્યમ્ ।
વયં જયેમ શતિનં સહસ્રિણં વૈશ્વાનર વાજમ્ અગ્ને તવોતિભિઃ ॥

અદબ્ધેભિસ્ તવ ગોપાભિર્ ઇષ્ટે ઽસ્માકમ્ પાહિ ત્રિષધસ્થ સૂરીન્ ।
રક્ષા ચ નો દદુષાં શર્ધો અગ્ને વૈશ્વાનર પ્ર ચ તારીઃ સ્તવાનઃ ॥