ઋગ્વેદ · અધ્યાય 6.001

ત્વં હ્ય્ અગ્ને પ્રથમો મનોતાસ્યા ધિયો અભવો દસ્મ હોતા ।
ત્વં સીં વૃષન્ન્ અકૃણોર્ દુષ્ટરીતુ સહો વિશ્વસ્મૈ સહસે સહધ્યૈ ॥

અધા હોતા ન્ય્ અસીદો યજીયાન્ ઇળસ્ પદ ઇષયન્ન્ ઈડ્યઃ સન્ ।
તં ત્વા નરઃ પ્રથમં દેવયન્તો મહો રાયે ચિતયન્તો અનુ ગ્મન્ ॥

વૃતેવ યન્તમ્ બહુભિર્ વસવ્યૈ3સ્ ત્વે રયિં જાગૃવાંસો અનુ ગ્મન્ ।
રુશન્તમ્ અગ્નિં દર્શતમ્ બૃહન્તં વપાવન્તં વિશ્વહા દીદિવાંસમ્ ॥

પદં દેવસ્ય નમસા વ્યન્તઃ શ્રવસ્યવઃ શ્રવ આપન્ન્ અમૃક્તમ્ ।
નામાનિ ચિદ્ દધિરે યજ્ઞિયાનિ ભદ્રાયાં તે રણયન્ત સંદૃષ્ટૌ ॥

ત્વાં વર્ધન્તિ ક્ષિતયઃ પૃથિવ્યાં ત્વાં રાય ઉભયાસો જનાનામ્ ।
ત્વં ત્રાતા તરણે ચેત્યો ભૂઃ પિતા માતા સદમ્ ઇન્ માનુષાણામ્ ॥

સપર્યેણ્યઃ સ પ્રિયો વિક્ષ્વ્ અ1ગ્નિર્ હોતા મન્દ્રો નિ ષસાદા યજીયાન્ ।
તં ત્વા વયં દમ આ દીદિવાંસમ્ ઉપ જ્ઞુબાધો નમસા સદેમ ॥

તં ત્વા વયં સુધ્યો3 નવ્યમ્ અગ્ને સુમ્નાયવ ઈમહે દેવયન્તઃ ।
ત્વં વિશો અનયો દીદ્યાનો દિવો અગ્ને બૃહતા રોચનેન ॥

વિશાં કવિં વિશ્પતિં શશ્વતીનાં નિતોશનં વૃષભં ચર્ષણીનામ્ ।
પ્રેતીષણિમ્ ઇષયન્તમ્ પાવકં રાજન્તમ્ અગ્નિં યજતં રયીણામ્ ॥

સો અગ્ન ઈજે શશમે ચ મર્તો યસ્ ત આનટ્ સમિધા હવ્યદાતિમ્ ।
ય આહુતિમ્ પરિ વેદા નમોભિર્ વિશ્વેત્ સ વામા દધતે ત્વોતઃ ॥

અસ્મા ઉ તે મહિ મહે વિધેમ નમોભિર્ અગ્ને સમિધોત હવ્યૈઃ ।
વેદી સૂનો સહસો ગીર્ભિર્ ઉક્થૈર્ આ તે ભદ્રાયાં સુમતૌ યતેમ ॥

આ યસ્ તતન્થ રોદસી વિ ભાસા શ્રવોભિશ્ ચ શ્રવસ્ય1સ્ તરુત્રઃ ।
બૃહદ્ભિર્ વાજૈઃ સ્થવિરેભિર્ અસ્મે રેવદ્ભિર્ અગ્ને વિતરં વિ ભાહિ ॥

નૃવદ્ વસો સદમ્ ઇદ્ ધેહ્ય્ અસ્મે ભૂરિ તોકાય તનયાય પશ્વઃ ।
પૂર્વીર્ ઇષો બૃહતીર્ આરે-અઘા અસ્મે ભદ્રા સૌશ્રવસાનિ સન્તુ ॥

પુરૂણ્ય્ અગ્ને પુરુધા ત્વાયા વસૂનિ રાજન્ વસુતા તે અશ્યામ્ ।
પુરૂણિ હિ ત્વે પુરુવાર સન્ત્ય્ અગ્ને વસુ વિધતે રાજનિ ત્વે ॥