ઋગ્વેદ · અધ્યાય 5.086

ઇન્દ્રાગ્ની યમ્ અવથ ઉભા વાજેષુ મર્ત્યમ્ ।
દૃળ્હા ચિત્ સ પ્ર ભેદતિ દ્યુમ્ના વાણીર્ ઇવ ત્રિતઃ ॥

યા પૃતનાસુ દુષ્ટરા યા વાજેષુ શ્રવાય્યા ।
યા પઞ્ચ ચર્ષણીર્ અભીન્દ્રાગ્ની તા હવામહે ॥

તયોર્ ઇદ્ અમવચ્ છવસ્ તિગ્મા દિદ્યુન્ મઘોનોઃ ।
પ્રતિ દ્રુણા ગભસ્ત્યોર્ ગવાં વૃત્રઘ્ન એષતે ॥

તા વામ્ એષે રથાનામ્ ઇન્દ્રાગ્ની હવામહે ।
પતી તુરસ્ય રાધસો વિદ્વાંસા ગિર્વણસ્તમા ॥

તા વૃધન્તાવ્ અનુ દ્યૂન્ મર્તાય દેવાવ્ અદભા ।
અર્હન્તા ચિત્ પુરો દધે ઽંશેવ દેવાવ્ અર્વતે ॥

એવેન્દ્રાગ્નિભ્યામ્ અહાવિ હવ્યં શૂષ્યં ઘૃતં ન પૂતમ્ અદ્રિભિઃ ।
તા સૂરિષુ શ્રવો બૃહદ્ રયિં ગૃણત્સુ દિધૃતમ્ ઇષં ગૃણત્સુ દિધૃતમ્ ॥