ઋગ્વેદ · અધ્યાય 5.053

કો વેદ જાનમ્ એષાં કો વા પુરા સુમ્નેષ્વ્ આસ મરુતામ્ ।
યદ્ યુયુજ્રે કિલાસ્યઃ ॥

ઐતાન્ રથેષુ તસ્થુષઃ કઃ શુશ્રાવ કથા યયુઃ ।
કસ્મૈ સસ્રુઃ સુદાસે અન્વ્ આપય ઇળાભિર્ વૃષ્ટયઃ સહ ॥

તે મ આહુર્ ય આયયુર્ ઉપ દ્યુભિર્ વિભિર્ મદે ।
નરો મર્યા અરેપસ ઇમાન્ પશ્યન્ન્ ઇતિ ષ્ટુહિ ॥

યે અઞ્જિષુ યે વાશીષુ સ્વભાનવઃ સ્રક્ષુ રુક્મેષુ ખાદિષુ ।
શ્રાયા રથેષુ ધન્વસુ ॥

યુષ્માકં સ્મા રથાઁ અનુ મુદે દધે મરુતો જીરદાનવઃ ।
વૃષ્ટી દ્યાવો યતીર્ ઇવ ॥

આ યં નરઃ સુદાનવો દદાશુષે દિવઃ કોશમ્ અચુચ્યવુઃ ।
વિ પર્જન્યં સૃજન્તિ રોદસી અનુ ધન્વના યન્તિ વૃષ્ટયઃ ॥

તતૃદાનાઃ સિન્ધવઃ ક્ષોદસા રજઃ પ્ર સસ્રુર્ ધેનવો યથા ।
સ્યન્ના અશ્વા ઇવાધ્વનો વિમોચને વિ યદ્ વર્તન્ત એન્યઃ ॥

આ યાત મરુતો દિવ આન્તરિક્ષાદ્ અમાદ્ ઉત ।
માવ સ્થાત પરાવતઃ ॥

મા વો રસાનિતભા કુભા ક્રુમુર્ મા વઃ સિન્ધુર્ નિ રીરમત્ ।
મા વઃ પરિ ષ્ઠાત્ સરયુઃ પુરીષિણ્ય્ અસ્મે ઇત્ સુમ્નમ્ અસ્તુ વઃ ॥

તં વઃ શર્ધં રથાનાં ત્વેષં ગણમ્ મારુતં નવ્યસીનામ્ ।
અનુ પ્ર યન્તિ વૃષ્ટયઃ ॥

શર્ધં-શર્ધં વ એષાં વ્રાતં-વ્રાતં ગણં-ગણં સુશસ્તિભિઃ ।
અનુ ક્રામેમ ધીતિભિઃ ॥

કસ્મા અદ્ય સુજાતાય રાતહવ્યાય પ્ર યયુઃ ।
એના યામેન મરુતઃ ॥

યેન તોકાય તનયાય ધાન્ય1મ્ બીજં વહધ્વે અક્ષિતમ્ ।
અસ્મભ્યં તદ્ ધત્તન યદ્ વ ઈમહે રાધો વિશ્વાયુ સૌભગમ્ ॥

અતીયામ નિદસ્ તિરઃ સ્વસ્તિભિર્ હિત્વાવદ્યમ્ અરાતીઃ ।
વૃષ્ટ્વી શં યોર્ આપ ઉસ્રિ ભેષજં સ્યામ મરુતઃ સહ ॥

સુદેવઃ સમહાસતિ સુવીરો નરો મરુતઃ સ મર્ત્યઃ ।
યં ત્રાયધ્વે સ્યામ તે ॥

સ્તુહિ ભોજાન્ સ્તુવતો અસ્ય યામનિ રણન્ ગાવો ન યવસે ।
યતઃ પૂર્વાઁ ઇવ સખીઁર્ અનુ હ્વય ગિરા ગૃણીહિ કામિનઃ ॥