ઋગ્વેદ · અધ્યાય 5.052

પ્ર શ્યાવાશ્વ ધૃષ્ણુયાર્ચા મરુદ્ભિર્ ઋક્વભિઃ ।
યે અદ્રોઘમ્ અનુષ્વધં શ્રવો મદન્તિ યજ્ઞિયાઃ ॥

તે હિ સ્થિરસ્ય શવસઃ સખાયઃ સન્તિ ધૃષ્ણુયા ।
તે યામન્ન્ આ ધૃષદ્વિનસ્ ત્મના પાન્તિ શશ્વતઃ ॥

તે સ્યન્દ્રાસો નોક્ષણો ઽતિ ષ્કન્દન્તિ શર્વરીઃ ।
મરુતામ્ અધા મહો દિવિ ક્ષમા ચ મન્મહે ॥

મરુત્સુ વો દધીમહિ સ્તોમં યજ્ઞં ચ ધૃષ્ણુયા ।
વિશ્વે યે માનુષા યુગા પાન્તિ મર્ત્યં રિષઃ ॥

અર્હન્તો યે સુદાનવો નરો અસામિશવસઃ ।
પ્ર યજ્ઞં યજ્ઞિયેભ્યો દિવો અર્ચા મરુદ્ભ્યઃ ॥

આ રુક્મૈર્ આ યુધા નર ઋષ્વા ઋષ્ટીર્ અસૃક્ષત ।
અન્વ્ એનાઁ અહ વિદ્યુતો મરુતો જજ્ઝતીર્ ઇવ ભાનુર્ અર્ત ત્મના દિવઃ ॥

યે વાવૃધન્ત પાર્થિવા ય ઉરાવ્ અન્તરિક્ષ આ ।
વૃજને વા નદીનાં સધસ્થે વા મહો દિવઃ ॥

શર્ધો મારુતમ્ ઉચ્ છંસ સત્યશવસમ્ ઋભ્વસમ્ ।
ઉત સ્મ તે શુભે નરઃ પ્ર સ્યન્દ્રા યુજત ત્મના ॥

ઉત સ્મ તે પરુષ્ણ્યામ્ ઊર્ણા વસત શુન્ધ્યવઃ ।
ઉત પવ્યા રથાનામ્ અદ્રિમ્ ભિન્દન્ત્ય્ ઓજસા ॥

આપથયો વિપથયો ઽન્તસ્પથા અનુપથાઃ ।
એતેભિર્ મહ્યં નામભિર્ યજ્ઞં વિષ્ટાર ઓહતે ॥

અધા નરો ન્ય્ ઓહતે ઽધા નિયુત ઓહતે ।
અધા પારાવતા ઇતિ ચિત્રા રૂપાણિ દર્શ્યા ॥

છન્દઃસ્તુભઃ કુભન્યવ ઉત્સમ્ આ કીરિણો નૃતુઃ ।
તે મે કે ચિન્ ન તાયવ ઊમા આસન્ દૃશિ ત્વિષે ॥

ય ઋષ્વા ઋષ્ટિવિદ્યુતઃ કવયઃ સન્તિ વેધસઃ ।
તમ્ ઋષે મારુતં ગણં નમસ્યા રમયા ગિરા ॥

અચ્છ ઋષે મારુતં ગણં દાના મિત્રં ન યોષણા ।
દિવો વા ધૃષ્ણવ ઓજસા સ્તુતા ધીભિર્ ઇષણ્યત ॥

નૂ મન્વાન એષાં દેવાઁ અચ્છા ન વક્ષણા ।
દાના સચેત સૂરિભિર્ યામશ્રુતેભિર્ અઞ્જિભિઃ ॥

પ્ર યે મે બન્ધ્વેષે ગાં વોચન્ત સૂરયઃ પૃશ્નિં વોચન્ત માતરમ્ ।
અધા પિતરમ્ ઇષ્મિણં રુદ્રં વોચન્ત શિક્વસઃ ॥

સપ્ત મે સપ્ત શાકિન એકમ્-એકા શતા દદુઃ ।
યમુનાયામ્ અધિ શ્રુતમ્ ઉદ્ રાધો ગવ્યમ્ મૃજે નિ રાધો અશ્વ્યમ્ મૃજે ॥