ઋગ્વેદ · અધ્યાય 5.048

કદ્ ઉ પ્રિયાય ધામ્ને મનામહે સ્વક્ષત્રાય સ્વયશસે મહે વયમ્ ।
આમેન્યસ્ય રજસો યદ્ અભ્ર આઁ અપો વૃણાના વિતનોતિ માયિની ॥

તા અત્નત વયુનં વીરવક્ષણં સમાન્યા વૃતયા વિશ્વમ્ આ રજઃ ।
અપો અપાચીર્ અપરા અપેજતે પ્ર પૂર્વાભિસ્ તિરતે દેવયુર્ જનઃ ॥

આ ગ્રાવભિર્ અહન્યેભિર્ અક્તુભિર્ વરિષ્ઠં વજ્રમ્ આ જિઘર્તિ માયિનિ ।
શતં વા યસ્ય પ્રચરન્ સ્વે દમે સંવર્તયન્તો વિ ચ વર્તયન્ન્ અહા ॥

તામ્ અસ્ય રીતિમ્ પરશોર્ ઇવ પ્રત્ય્ અનીકમ્ અખ્યમ્ ભુજે અસ્ય વર્પસઃ ।
સચા યદિ પિતુમન્તમ્ ઇવ ક્ષયં રત્નં દધાતિ ભરહૂતયે વિશે ॥

સ જિહ્વયા ચતુરનીક ઋઞ્જતે ચારુ વસાનો વરુણો યતન્ન્ અરિમ્ ।
ન તસ્ય વિદ્મ પુરુષત્વતા વયં યતો ભગઃ સવિતા દાતિ વાર્યમ્ ॥