ઋગ્વેદ · અધ્યાય 5.045

વિદા દિવો વિષ્યન્ન્ અદ્રિમ્ ઉક્થૈર્ આયત્યા ઉષસો અર્ચિનો ગુઃ ।
અપાવૃત વ્રજિનીર્ ઉત્ સ્વર્ ગાદ્ વિ દુરો માનુષીર્ દેવ આવઃ ॥

વિ સૂર્યો અમતિં ન શ્રિયં સાદ્ ઓર્વાદ્ ગવામ્ માતા જાનતી ગાત્ ।
ધન્વર્ણસો નદ્ય1ઃ ખાદોઅર્ણાઃ સ્થૂણેવ સુમિતા દૃંહત દ્યૌઃ ॥

અસ્મા ઉક્થાય પર્વતસ્ય ગર્ભો મહીનાં જનુષે પૂર્વ્યાય ।
વિ પર્વતો જિહીત સાધત દ્યૌર્ આવિવાસન્તો દસયન્ત ભૂમ ॥

સૂક્તેભિર્ વો વચોભિર્ દેવજુષ્ટૈર્ ઇન્દ્રા ન્વ્ અ1ગ્ની અવસે હુવધ્યૈ ।
ઉક્થેભિર્ હિ ષ્મા કવયઃ સુયજ્ઞા આવિવાસન્તો મરુતો યજન્તિ ॥

એતો ન્વ્ અ1દ્ય સુધ્યો3 ભવામ પ્ર દુચ્છુના મિનવામા વરીયઃ ।
આરે દ્વેષાંસિ સનુતર્ દધામાયામ પ્રાઞ્ચો યજમાનમ્ અચ્છ ॥

એતા ધિયં કૃણવામા સખાયો ઽપ યા માતાઁ ઋણુત વ્રજં ગોઃ ।
યયા મનુર્ વિશિશિપ્રં જિગાય યયા વણિગ્ વઙ્કુર્ આપા પુરીષમ્ ॥

અનૂનોદ્ અત્ર હસ્તયતો અદ્રિર્ આર્ચન્ યેન દશ માસો નવગ્વાઃ ।
ઋતં યતી સરમા ગા અવિન્દદ્ વિશ્વાનિ સત્યાઙ્ગિરાશ્ ચકાર ॥

વિશ્વે અસ્યા વ્યુષિ માહિનાયાઃ સં યદ્ ગોભિર્ અઙ્ગિરસો નવન્ત ।
ઉત્સ આસામ્ પરમે સધસ્થ ઋતસ્ય પથા સરમા વિદદ્ ગાઃ ॥

આ સૂર્યો યાતુ સપ્તાશ્વઃ ક્ષેત્રં યદ્ અસ્યોર્વિયા દીર્ઘયાથે ।
રઘુઃ શ્યેનઃ પતયદ્ અન્ધો અચ્છા યુવા કવિર્ દીદયદ્ ગોષુ ગચ્છન્ ॥

આ સૂર્યો અરુહચ્ છુક્રમ્ અર્ણો ઽયુક્ત યદ્ ધરિતો વીતપૃષ્ઠાઃ ।
ઉદ્ના ન નાવમ્ અનયન્ત ધીરા આશૃણ્વતીર્ આપો અર્વાગ્ અતિષ્ઠન્ ॥

ધિયં વો અપ્સુ દધિષે સ્વર્ષાં યયાતરન્ દશ માસો નવગ્વાઃ ।
અયા ધિયા સ્યામ દેવગોપા અયા ધિયા તુતુર્યામાત્ય્ અંહઃ ॥