ઋગ્વેદ · અધ્યાય 5.035

યસ્ તે સાધિષ્ઠો ઽવસ ઇન્દ્ર ક્રતુષ્ ટમ્ આ ભર ।
અસ્મભ્યં ચર્ષણીસહં સસ્નિં વાજેષુ દુષ્ટરમ્ ॥

યદ્ ઇન્દ્ર તે ચતસ્રો યચ્ છૂર સન્તિ તિસ્રઃ ।
યદ્ વા પઞ્ચ ક્ષિતીનામ્ અવસ્ તત્ સુ ન આ ભર ॥

આ તે ઽવો વરેણ્યં વૃષન્તમસ્ય હૂમહે ।
વૃષજૂતિર્ હિ જજ્ઞિષ આભૂભિર્ ઇન્દ્ર તુર્વણિઃ ॥

વૃષા હ્ય્ અસિ રાધસે જજ્ઞિષે વૃષ્ણિ તે શવઃ ।
સ્વક્ષત્રં તે ધૃષન્ મનઃ સત્રાહમ્ ઇન્દ્ર પૌંસ્યમ્ ॥

ત્વં તમ્ ઇન્દ્ર મર્ત્યમ્ અમિત્રયન્તમ્ અદ્રિવઃ ।
સર્વરથા શતક્રતો નિ યાહિ શવસસ્ પતે ॥

ત્વામ્ ઇદ્ વૃત્રહન્તમ જનાસો વૃક્તબર્હિષઃ ।
ઉગ્રમ્ પૂર્વીષુ પૂર્વ્યં હવન્તે વાજસાતયે ॥

અસ્માકમ્ ઇન્દ્ર દુષ્ટરમ્ પુરોયાવાનમ્ આજિષુ ।
સયાવાનં ધને-ધને વાજયન્તમ્ અવા રથમ્ ॥

અસ્માકમ્ ઇન્દ્રેહિ નો રથમ્ અવા પુરંધ્યા ।
વયં શવિષ્ઠ વાર્યં દિવિ શ્રવો દધીમહિ દિવિ સ્તોમમ્ મનામહે ॥