ઋગ્વેદ · અધ્યાય 5.033

મહિ મહે તવસે દીધ્યે નૄન્ ઇન્દ્રાયેત્થા તવસે અતવ્યાન્ ।
યો અસ્મૈ સુમતિં વાજસાતૌ સ્તુતો જને સમર્યશ્ ચિકેત ॥

સ ત્વં ન ઇન્દ્ર ધિયસાનો અર્કૈર્ હરીણાં વૃષન્ યોક્ત્રમ્ અશ્રેઃ ।
યા ઇત્થા મઘવન્ન્ અનુ જોષં વક્ષો અભિ પ્રાર્યઃ સક્ષિ જનાન્ ॥

ન તે ત ઇન્દ્રાભ્ય્ અ1સ્મદ્ ઋષ્વાયુક્તાસો અબ્રહ્મતા યદ્ અસન્ ।
તિષ્ઠા રથમ્ અધિ તં વજ્રહસ્તા રશ્મિં દેવ યમસે સ્વશ્વઃ ॥

પુરૂ યત્ ત ઇન્દ્ર સન્ત્ય્ ઉક્થા ગવે ચકર્થોર્વરાસુ યુધ્યન્ ।
તતક્ષે સૂર્યાય ચિદ્ ઓકસિ સ્વે વૃષા સમત્સુ દાસસ્ય નામ ચિત્ ॥

વયં તે ત ઇન્દ્ર યે ચ નરઃ શર્ધો જજ્ઞાના યાતાશ્ ચ રથાઃ ।
આસ્માઞ્ જગમ્યાદ્ અહિશુષ્મ સત્વા ભગો ન હવ્યઃ પ્રભૃથેષુ ચારુઃ ॥

પપૃક્ષેણ્યમ્ ઇન્દ્ર ત્વે હ્ય્ ઓજો નૃમ્ણાનિ ચ નૃતમાનો અમર્તઃ ।
સ ન એનીં વસવાનો રયિં દાઃ પ્રાર્યઃ સ્તુષે તુવિમઘસ્ય દાનમ્ ॥

એવા ન ઇન્દ્રોતિભિર્ અવ પાહિ ગૃણતઃ શૂર કારૂન્ ।
ઉત ત્વચં દદતો વાજસાતૌ પિપ્રીહિ મધ્વઃ સુષુતસ્ય ચારોઃ ॥

ઉત ત્યે મા પૌરુકુત્સ્યસ્ય સૂરેસ્ ત્રસદસ્યોર્ હિરણિનો રરાણાઃ ।
વહન્તુ મા દશ શ્યેતાસો અસ્ય ગૈરિક્ષિતસ્ય ક્રતુભિર્ નુ સશ્ચે ॥

ઉત ત્યે મા મારુતાશ્વસ્ય શોણાઃ ક્રત્વામઘાસો વિદથસ્ય રાતૌ ।
સહસ્રા મે ચ્યવતાનો દદાન આનૂકમ્ અર્યો વપુષે નાર્ચત્ ॥

ઉત ત્યે મા ધ્વન્યસ્ય જુષ્ટા લક્ષ્મણ્યસ્ય સુરુચો યતાનાઃ ।
મહ્ના રાયઃ સંવરણસ્ય ઋષેર્ વ્રજં ન ગાવઃ પ્રયતા અપિ ગ્મન્ ॥