ઋગ્વેદ · અધ્યાય 5.031

ઇન્દ્રો રથાય પ્રવતં કૃણોતિ યમ્ અધ્યસ્થાન્ મઘવા વાજયન્તમ્ ।
યૂથેવ પશ્વો વ્ય્ ઉનોતિ ગોપા અરિષ્ટો યાતિ પ્રથમઃ સિષાસન્ ॥

આ પ્ર દ્રવ હરિવો મા વિ વેનઃ પિશઙ્ગરાતે અભિ નઃ સચસ્વ ।
નહિ ત્વદ્ ઇન્દ્ર વસ્યો અન્યદ્ અસ્ત્ય્ અમેનાઁશ્ ચિજ્ જનિવતશ્ ચકર્થ ॥

ઉદ્ યત્ સહઃ સહસ આજનિષ્ટ દેદિષ્ટ ઇન્દ્ર ઇન્દ્રિયાણિ વિશ્વા ।
પ્રાચોદયત્ સુદુઘા વવ્રે અન્તર્ વિ જ્યોતિષા સંવવૃત્વત્ તમો ઽવઃ ॥

અનવસ્ તે રથમ્ અશ્વાય તક્ષન્ ત્વષ્ટા વજ્રમ્ પુરુહૂત દ્યુમન્તમ્ ।
બ્રહ્માણ ઇન્દ્રમ્ મહયન્તો અર્કૈર્ અવર્ધયન્ન્ અહયે હન્તવા ઉ ॥

વૃષ્ણે યત્ તે વૃષણો અર્કમ્ અર્ચાન્ ઇન્દ્ર ગ્રાવાણો અદિતિઃ સજોષાઃ ।
અનશ્વાસો યે પવયો ઽરથા ઇન્દ્રેષિતા અભ્ય્ અવર્તન્ત દસ્યૂન્ ॥

પ્ર તે પૂર્વાણિ કરણાનિ વોચમ્ પ્ર નૂતના મઘવન્ યા ચકર્થ ।
શક્તીવો યદ્ વિભરા રોદસી ઉભે જયન્ન્ અપો મનવે દાનુચિત્રાઃ ॥

તદ્ ઇન્ નુ તે કરણં દસ્મ વિપ્રાહિં યદ્ ઘ્નન્ન્ ઓજો અત્રામિમીથાઃ ।
શુષ્ણસ્ય ચિત્ પરિ માયા અગૃભ્ણાઃ પ્રપિત્વં યન્ન્ અપ દસ્યૂઁર્ અસેધઃ ॥

ત્વમ્ અપો યદવે તુર્વશાયારમયઃ સુદુઘાઃ પાર ઇન્દ્ર ।
ઉગ્રમ્ અયાતમ્ અવહો હ કુત્સં સં હ યદ્ વામ્ ઉશનારન્ત દેવાઃ ॥

ઇન્દ્રાકુત્સા વહમાના રથેના વામ્ અત્યા અપિ કર્ણે વહન્તુ ।
નિઃ ષીમ્ અદ્ભ્યો ધમથો નિઃ ષધસ્થાન્ મઘોનો હૃદો વરથસ્ તમાંસિ ॥

વાતસ્ય યુક્તાન્ સુયુજશ્ ચિદ્ અશ્વાન્ કવિશ્ ચિદ્ એષો અજગન્ન્ અવસ્યુઃ ।
વિશ્વે તે અત્ર મરુતઃ સખાય ઇન્દ્ર બ્રહ્માણિ તવિષીમ્ અવર્ધન્ ॥

સૂરશ્ ચિદ્ રથમ્ પરિતક્મ્યાયામ્ પૂર્વં કરદ્ ઉપરં જૂજુવાંસમ્ ।
ભરચ્ ચક્રમ્ એતશઃ સં રિણાતિ પુરો દધત્ સનિષ્યતિ ક્રતું નઃ ॥

આયં જના અભિચક્ષે જગામેન્દ્રઃ સખાયં સુતસોમમ્ ઇચ્છન્ ।
વદન્ ગ્રાવાવ વેદિમ્ ભ્રિયાતે યસ્ય જીરમ્ અધ્વર્યવશ્ ચરન્તિ ॥

યે ચાકનન્ત ચાકનન્ત નૂ તે મર્તા અમૃત મો તે અંહ આરન્ ।
વાવન્ધિ યજ્યૂઁર્ ઉત તેષુ ધેહ્ય્ ઓજો જનેષુ યેષુ તે સ્યામ ॥