ઋગ્વેદ · અધ્યાય 5.015

પ્ર વેધસે કવયે વેદ્યાય ગિરમ્ ભરે યશસે પૂર્વ્યાય ।
ઘૃતપ્રસત્તો અસુરઃ સુશેવો રાયો ધર્તા ધરુણો વસ્વો અગ્નિઃ ॥

ઋતેન ઋતં ધરુણં ધારયન્ત યજ્ઞસ્ય શાકે પરમે વ્યોમન્ ।
દિવો ધર્મન્ ધરુણે સેદુષો નૄઞ્ જાતૈર્ અજાતાઁ અભિ યે નનક્ષુઃ ॥

અઙ્હોયુવસ્ તન્વસ્ તન્વતે વિ વયો મહદ્ દુષ્ટરમ્ પૂર્વ્યાય ।
સ સંવતો નવજાતસ્ તુતુર્યાત્ સિઙ્હં ન ક્રુદ્ધમ્ અભિતઃ પરિ ષ્ઠુઃ ॥

માતેવ યદ્ ભરસે પપ્રથાનો જનં-જનં ધાયસે ચક્ષસે ચ ।
વયો-વયો જરસે યદ્ દધાનઃ પરિ ત્મના વિષુરૂપો જિગાસિ ॥

વાજો નુ તે શવસસ્ પાત્વ્ અન્તમ્ ઉરું દોઘં ધરુણં દેવ રાયઃ ।
પદં ન તાયુર્ ગુહા દધાનો મહો રાયે ચિતયન્ન્ અત્રિમ્ અસ્પઃ ॥