ઋગ્વેદ · અધ્યાય 5.014

અગ્નિં સ્તોમેન બોધય સમિધાનો અમર્ત્યમ્ ।
હવ્યા દેવેષુ નો દધત્ ॥

તમ્ અધ્વરેષ્વ્ ઈળતે દેવમ્ મર્તા અમર્ત્યમ્ ।
યજિષ્ઠમ્ માનુષે જને ॥

તં હિ શશ્વન્ત ઈળતે સ્રુચા દેવં ઘૃતશ્ચુતા ।
અગ્નિં હવ્યાય વોળ્હવે ॥

અગ્નિર્ જાતો અરોચત ઘ્નન્ દસ્યૂઞ્ જ્યોતિષા તમઃ ।
અવિન્દદ્ ગા અપઃ સ્વઃ ॥

અગ્નિમ્ ઈળેન્યં કવિં ઘૃતપૃષ્ઠં સપર્યત ।
વેતુ મે શૃણવદ્ ધવમ્ ॥

અગ્નિં ઘૃતેન વાવૃધુઃ સ્તોમેભિર્ વિશ્વચર્ષણિમ્ ।
સ્વાધીભિર્ વચસ્યુભિઃ ॥