ઋગ્વેદ · અધ્યાય 5.013

અર્ચન્તસ્ ત્વા હવામહે ઽર્ચન્તઃ સમ્ ઇધીમહિ ।
અગ્ને અર્ચન્ત ઊતયે ॥

અગ્નેઃ સ્તોમમ્ મનામહે સિધ્રમ્ અદ્ય દિવિસ્પૃશઃ ।
દેવસ્ય દ્રવિણસ્યવઃ ॥

અગ્નિર્ જુષત નો ગિરો હોતા યો માનુષેષ્વ્ આ ।
સ યક્ષદ્ દૈવ્યં જનમ્ ॥

ત્વમ્ અગ્ને સપ્રથા અસિ જુષ્ટો હોતા વરેણ્યઃ ।
ત્વયા યજ્ઞં વિ તન્વતે ॥

ત્વામ્ અગ્ને વાજસાતમં વિપ્રા વર્ધન્તિ સુષ્ટુતમ્ ।
સ નો રાસ્વ સુવીર્યમ્ ॥

અગ્ને નેમિર્ અરાઁ ઇવ દેવાઁસ્ ત્વમ્ પરિભૂર્ અસિ ।
આ રાધશ્ ચિત્રમ્ ઋઞ્જસે ॥