ઋગ્વેદ · અધ્યાય 5.011

જનસ્ય ગોપા અજનિષ્ટ જાગૃવિર્ અગ્નિઃ સુદક્ષઃ સુવિતાય નવ્યસે ।
ઘૃતપ્રતીકો બૃહતા દિવિસ્પૃશા દ્યુમદ્ વિ ભાતિ ભરતેભ્યઃ શુચિઃ ॥

યજ્ઞસ્ય કેતુમ્ પ્રથમમ્ પુરોહિતમ્ અગ્નિં નરસ્ ત્રિષધસ્થે સમ્ ઈધિરે ।
ઇન્દ્રેણ દેવૈઃ સરથં સ બર્હિષિ સીદન્ નિ હોતા યજથાય સુક્રતુઃ ॥

અસમ્મૃષ્ટો જાયસે માત્રોઃ શુચિર્ મન્દ્રઃ કવિર્ ઉદ્ અતિષ્ઠો વિવસ્વતઃ ।
ઘૃતેન ત્વાવર્ધયન્ન્ અગ્ન આહુત ધૂમસ્ તે કેતુર્ અભવદ્ દિવિ શ્રિતઃ ॥

અગ્નિર્ નો યજ્ઞમ્ ઉપ વેતુ સાધુયાગ્નિં નરો વિ ભરન્તે ગૃહે-ગૃહે ।
અગ્નિર્ દૂતો અભવદ્ ધવ્યવાહનો ઽગ્નિં વૃણાના વૃણતે કવિક્રતુમ્ ॥

તુભ્યેદમ્ અગ્ને મધુમત્તમં વચસ્ તુભ્યમ્ મનીષા ઇયમ્ અસ્તુ શં હૃદે ।
ત્વાં ગિરઃ સિન્ધુમ્ ઇવાવનીર્ મહીર્ આ પૃણન્તિ શવસા વર્ધયન્તિ ચ ॥

ત્વામ્ અગ્ને અઙ્ગિરસો ગુહા હિતમ્ અન્વ્ અવિન્દઞ્ છિશ્રિયાણં વને-વને ।
સ જાયસે મથ્યમાનઃ સહો મહત્ ત્વામ્ આહુઃ સહસસ્ પુત્રમ્ અઙ્ગિરઃ ॥