ઋગ્વેદ · અધ્યાય 5.005

સુસમિદ્ધાય શોચિષે ઘૃતં તીવ્રં જુહોતન ।
અગ્નયે જાતવેદસે ॥

નરાશંસઃ સુષૂદતીમં યજ્ઞમ્ અદાભ્યઃ ।
કવિર્ હિ મધુહસ્ત્યઃ ॥

ઈળિતો અગ્ન આ વહેન્દ્રં ચિત્રમ્ ઇહ પ્રિયમ્ ।
સુખૈ રથેભિર્ ઊતયે ॥

ઊર્ણમ્રદા વિ પ્રથસ્વાભ્ય્ અ1ર્કા અનૂષત ।
ભવા નઃ શુભ્ર સાતયે ॥

દેવીર્ દ્વારો વિ શ્રયધ્વં સુપ્રાયણા ન ઊતયે ।
પ્ર-પ્ર યજ્ઞમ્ પૃણીતન ॥

સુપ્રતીકે વયોવૃધા યહ્વી ઋતસ્ય માતરા ।
દોષામ્ ઉષાસમ્ ઈમહે ॥

વાતસ્ય પત્મન્ન્ ઈળિતા દૈવ્યા હોતારા મનુષઃ ।
ઇમં નો યજ્ઞમ્ આ ગતમ્ ॥

ઇળા સરસ્વતી મહી તિસ્રો દેવીર્ મયોભુવઃ ।
બર્હિઃ સીદન્ત્વ્ અસ્રિધઃ ॥

શિવસ્ ત્વષ્ટર્ ઇહા ગહિ વિભુઃ પોષ ઉત ત્મના ।
યજ્ઞે-યજ્ઞે ન ઉદ્ અવ ॥

યત્ર વેત્થ વનસ્પતે દેવાનાં ગુહ્યા નામાનિ ।
તત્ર હવ્યાનિ ગામય ॥

સ્વાહાગ્નયે વરુણાય સ્વાહેન્દ્રાય મરુદ્ભ્યઃ ।
સ્વાહા દેવેભ્યો હવિઃ ॥