ઋગ્વેદ · અધ્યાય 5.006

અગ્નિં તમ્ મન્યે યો વસુર્ અસ્તં યં યન્તિ ધેનવઃ ।
અસ્તમ્ અર્વન્ત આશવો ઽસ્તં નિત્યાસો વાજિન ઇષં સ્તોતૃભ્ય આ ભર ॥

સો અગ્નિર્ યો વસુર્ ગૃણે સં યમ્ આયન્તિ ધેનવઃ ।
સમ્ અર્વન્તો રઘુદ્રુવઃ સં સુજાતાસઃ સૂરય ઇષં સ્તોતૃભ્ય આ ભર ॥

અગ્નિર્ હિ વાજિનં વિશે દદાતિ વિશ્વચર્ષણિઃ ।
અગ્ની રાયે સ્વાભુવં સ પ્રીતો યાતિ વાર્યમ્ ઇષં સ્તોતૃભ્ય આ ભર ॥

આ તે અગ્ન ઇધીમહિ દ્યુમન્તં દેવાજરમ્ ।
યદ્ ધ સ્યા તે પનીયસી સમિદ્ દીદયતિ દ્યવીષં સ્તોતૃભ્ય આ ભર ॥

આ તે અગ્ન ઋચા હવિઃ શુક્રસ્ય શોચિષસ્ પતે ।
સુશ્ચન્દ્ર દસ્મ વિશ્પતે હવ્યવાટ્ તુભ્યં હૂયત ઇષં સ્તોતૃભ્ય આ ભર ॥

પ્રો ત્યે અગ્નયો ઽગ્નિષુ વિશ્વમ્ પુષ્યન્તિ વાર્યમ્ ।
તે હિન્વિરે ત ઇન્વિરે ત ઇષણ્યન્ત્ય્ આનુષગ્ ઇષં સ્તોતૃભ્ય આ ભર ॥

તવ ત્યે અગ્ને અર્ચયો મહિ વ્રાધન્ત વાજિનઃ ।
યે પત્વભિઃ શફાનાં વ્રજા ભુરન્ત ગોનામ્ ઇષં સ્તોતૃભ્ય આ ભર ॥

નવા નો અગ્ન આ ભર સ્તોતૃભ્યઃ સુક્ષિતીર્ ઇષઃ ।
તે સ્યામ ય આનૃચુસ્ ત્વાદૂતાસો દમે-દમ ઇષં સ્તોતૃભ્ય આ ભર ॥

ઉભે સુશ્ચન્દ્ર સર્પિષો દર્વી શ્રીણીષ આસનિ ।
ઉતો ન ઉત્ પુપૂર્યા ઉક્થેષુ શવસસ્ પત ઇષં સ્તોતૃભ્ય આ ભર ॥

એવાઁ અગ્નિમ્ અજુર્યમુર્ ગીર્ભિર્ યજ્ઞેભિર્ આનુષક્ ।
દધદ્ અસ્મે સુવીર્યમ્ ઉત ત્યદ્ આશ્વશ્વ્યમ્ ઇષં સ્તોતૃભ્ય આ ભર ॥